靚抽王
藝人耍大牌症候群
半紅不黑嘅奀星係唔會有人話佢哋耍大牌嘅，所以我哋話得你係大牌，其實係讚緊你紅呀。講到紅，又點會少得了宇宙巨 G.E.M.？以下就以佢為例，為大家詮釋「藝人耍大牌症候群」呢個病嘅症狀。
症狀 1 大牌藝人遲到嘅反應是咁的：
1.扮冇事發生
2.「遲___分鐘唔算遲到呀！」
3.「我都盡咗力啦， Sorry囉！」
4.藉口多多死不認錯，例如話自己係去派曲奇餅所以先遲到……
5.扮委屈，同人講自己喊豬
唔使上網搵料喇，以上所有行為都喺去年新城頒獎禮遲到事件中，阿 G.E.M.全部都做過晒！
症狀 2 Cut記者訪問時間
作為一個大牌藝人，梗係秒秒鐘幾百萬上落啦，有時間都去食雞煲，仲留番啲時間同你做訪問咩？好似近日阿 G.E.M.去台灣就醒喇，縮短訪問時間，理由係：「太累」同「聲沙」……呢個理由認真完美兼世界級，如果佢後來冇喺微博同全世界講佢去咗食麻辣火鍋的話……
症狀 3 有奶便是娘
大牌藝人飛上枝頭變鳳凰，通常成咗名就反面不認人，只認銀。好似阿 G.E.M.去年喺香港演唱會唱得 6首廣東歌，又實施新規矩限制本地傳媒採訪，仲經常發表愛國言論，足證佢傳承咗強國文化有奶便是娘的優秀傳統。
結論+治療方法：
治療方法惟有係等佢唔紅，等佢好似〈傻女〉李逸朗咁去抹吓窗，知道自己幾咁好運，咁佢先會醒覺。不過佢有強國人支持，想回頭是岸都幾難
狂熱治療
每期為你分析香港人（包括藝人）嘅狂熱症狀，並提供可能嘅治療方法。
|
鍾意就快D Share啦！
|
|
|