全城熱爆的娛樂八封新聞 & 時事趣聞 & 生活 + 趣聞
試衫半個鐘，章小蕙再响鋪頭入面兜圈，睇吓有冇漏網之魚。
盛傳轉行做融資嘅前 B嫂章小蕙，唔知係份工夠 free，抑或真係唔使點做，總係响 office hour見佢扮到隻雀咁 shopping。
上個禮拜三（三月十一日），章小蕙一身英倫貴婦 look現身中環太子大廈 Chloe買衫，職員仲安排佢行入 VIP區，慢慢試。店員輪流攞衫入 VIP區俾章小蕙 fitting，試咗差不多半個鐘，章小蕙行出櫃位，一邊睇 catalog一邊同店員吹衫經，仲講到鬼咁肉緊。搵到心頭好，店員安排送貨，章小蕙兩手 fing fing行去舊文華酒店的士站等的士，撞正交更時間，唔係冚旗就係揀客，最終要罰企十分鐘先上到車。
睇 catalog，章小蕙意見多多，七情上面。
章小蕙望住條吊帶裙，店員即刻攞上手力 sell。
交更時間等的士過海，章小蕙企咗十分鐘先有車，都算好彩。
