網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月9日 星期四

老婆+老豆 許志安雙辣招谷個唱 [壹週刊 - 1309] 許志安,安仔,M1,



安仔手上拎着拍 MV的勞力士,就是老豆留給他的遺物,提醒他要珍惜每分每秒,不要浪費青春。

探熱針

老婆+老豆 許志安雙辣招谷個唱

無論推新歌、轉公司抑或開演唱會,每次許志安有新搞作,例必借助 Sammi鄭秀文谷人氣。正為本月底個唱《 Come On Andy Hui Live 2015》主題曲《你的秀》拍 MV的他,今次加料攞埋老豆的遺物做 MV道具,加埋老婆 Sammi突然自稱「許太」,雙辣招谷個唱!

終於認做咗許太

已經超過三年冇舉行個唱的許志安,將於今個月底舉行一連四場《 Come On Andy Hui Live 2015》演唱會,校啱時間,月初 Sammi在許愿飯局上,突然自稱「許太」,令已婚事件再被翻炒。

「都冇諗過 Sammi會自爆已經做咗許太,雖然結咗婚嘅事早就通晒天,只佢兩個一直迴避呢個問題, Sammi喺呢個時候確認係許太身份,大家都知乜事,因為安仔就快開騷,佢幫老公製造話題見報。」知情者說。

Sammi簡單一句「可以叫我許太太」,果然成功製造話題。正為新歌《你的秀》拍 MV的許志安,決定再加碼,連老豆留給他的遺物,都搬埋出來做道具。

「隻歌嘅內容係講每個人都有屬於自己嘅騷,希望可以企喺自己嘅舞台上活出自己,導演想拍許志安約咗許志安,自己鼓勵自己,鏡頭用咗一隻手錶交代,呢隻手錶係爸爸留俾我一個好珍貴嘅遺物,提醒我搵到自己、活出自己。其實今次演唱會我都好緊張,希望大家可以俾到力氣我!」安仔說。

出名孝順的安仔對父母很照顧,許父 07年病逝,安仔十分悲痛。

四月初,許愿相約安仔與 Sammi飯聚,席間 Sammi自爆是許太,許愿將此事上載微博,迅即成為熱話。

新歌《你的秀》 MV中,導演刻意安排一幕許志安對許志安,寓意自我鼓勵。

老公開個唱,唔知許太 Sammi到時會否上台做嘉賓,嚟個夫妻對唱!

安仔剛以 Big Four身份與梁漢文、張衞健及蘇永康擔任好友吳國敬的個唱嘉賓。

已有三年多冇開個唱的安仔,對今次個唱很重視,絞盡腦汁度橋。

戒口三個月

為了今次個唱,安仔早已進行戒口及健身。

「兩個幾月前開始健身,新年後已經戒晒啲肥膩食物,連朋友飯局都推埋,因為個唱主題玩打拳,要重點鍛鍊肌肉線條,但又怕操得太勁,過瘦太乾唔好睇,不過安仔好有節制,知道自己 over咗,就會停一停。」一名個唱工作人員說。

新年後便開始戒口節食兼勁做健身的安仔,早前在微博上載了兩張露肌照,大晒操到 fit爆的身形。

鍾意就快D Share啦!