掃呢頁CODE去手機

2015年4月30日 星期四

唐麗球易哽過蓋鳴暉 [壹週刊 - 1312] 蓋鳴暉,M1, 唐麗球



中年發福,著得又街坊,但笑容又真又開心。

同你吟一吟

唐麗球易哽過蓋鳴暉

無綫重播 23年前神劇《大時代》,首集收視創十年深宵時段新高,網上點播率亦贏晒黃金時段三線劇,唔係講笑,若果大台夠膽重推《民間傳奇》,網民見到周潤發、杜琪峯做清兵,一樣開心到癲咗。

真心㗎!與其要我晚晚見到蓋鳴暉,不如嗌番 84年港姐唐麗球同佢老公吳毅將出嚟拍劇啦,雖然一個 C9,一個中佬,但肯定易哽過九唔搭八戲又屎嘅名伶。

早排《壹》仔喺九龍城見到匿埋屋企湊女十幾年嘅唐麗球,同間中會返內地拍劇嘅吳毅將拍拖上糧,冇靚衫冇名牌包包,兩公婆仲中年發福圓碌碌,但笑得開心,人一個。大台可以諗諗喎!不過就算唔諗唐麗球、吳毅將,都唔好再用蓋鳴暉放過我,唔該!

店員推介凍肉,唐麗球仔細研究食物標籤,好小心。

買完嘢,吳毅將攞住銀包等俾錢。

《水髮胭脂》入面嘅陳豪竟然對蓋鳴暉有意,簡直想死!

鍾意就快D Share啦!