掃呢頁CODE去手機

2015年4月29日 星期三

除咗《大時代》 仲有乜神劇正先? [FACE - 414] 大時代,MF,



全知言

除咗《大時代》 仲有乜神劇正先?

回憶懷念永遠最美好!退出咗嘅藝人、歌手復出,通常都變搶手貨,舊劇都一樣。

92年播出嘅經典劇《大時代》,上週一( 20日)開始喺深夜重播,首晚就有 5.5收視,即係 41萬觀眾收睇!呢套劇雲集劉青雲、郭靄明、鄭少秋、周慧敏等人主演,幾乎個個都有話題性,而且劇情超爆,絕對輕易 ko今天大台的所謂重頭劇!

其實八、九十年代都係港劇追捧期,唔少劇集都好有口啤,今期全知言就問吓大家,仲有邊幾套神劇,其實你都好想重溫呢?

少爺占

我最想重播嘅電視劇就係《大時代》喇!咁一到《大時代》播呢,我就有機會可以入市吖嘛!但播緊囉呵好似?咁我揀過另外一套啦,我揀郭富城有份做嘅《都市方程式》( 1988年)啦,因為今時今日你想叫郭富城搞笑都幾難啦係咪?仲要佢講翻裡面嘅「烏龜戴眼鏡」喎,你話係咪難上難吖?所以如果郭富城肯拍翻《都市方程式》,幾正吖!續集都唔錯喎!

當奴

我一定係揀《蓋世豪俠》( 1989年)。因為呢個陣容係可一不可再,我印象當中記得係有周星馳啦,有吳鎮宇啦,咁呢兩位朋友喺電影界當然各領風騷,但係能夠拉埋佢哋一齊做一套又搞笑又有動作嘅電視劇,我覺得如果能夠重溫係一件好開心嘅事嚟嘅!

曹敏莉

最想重播嘅劇集,我諗會係《金枝慾孽》( 2005年)啦,因為當時我非常之忙碌,錯過咗呢套咁好睇嘅劇集,咁呢套劇口啤咁好,個個都讚口不絕,咁我希望可以重播,我可以睇返多一次!

《蘋果日報》圖片

趙頌茹

我最想重溫嘅電視劇係《大時代》!記得細個其實唔係好睇得明佢嘅故事情節,而家去到大個喇,至知道嗰啲人、劇情嘅張力係幾咁好睇囉!

街坊推介:《網中人》

張小姐:

《黃金十年》( 1986年)囉!張兆輝囉!一係播返《親情》( 1980年)呀,《網中人》( 1979年)呢啲!以前嘅劇情好睇啲

《黃金十年》

《網中人》

余小姐:

你有無睇《婚前昏後》( 2001年)呀?王菲嗰首〈給自己的情書〉呀!係呀,嗰個就好好睇囉!

譚小姐:

我會揀《封神榜》( 2001年)同埋《美味天王》( 1997年)嗰啲囉!我覺得係好搞笑同埋好睇㗎!我記得《隔世追兇》( 2004年)都好好睇㗎,我係睇劇情架,咁個人,我覺得 TVB好似無乜人我係特別鍾意囉,或者覺得佢係特別靚仔,純粹係個演技好唔好囉。

《婚前婚後》

《封神榜》

鍾意就快D Share啦!