掃呢頁CODE去手機

2015年4月29日 星期三

翻舊賬 《大時代》劉青雲撬走郭藹明 邵仲衡:講嘢衰衰格格! [FACE - 414] 劉青雲,大時代,邵仲衡,郭藹明,青雲,MF,



邵仲衡年過 51,比起後生時漲咗唔少,但都好緊張影張效果,唔係要美圖,而係不斷要求攝影師,他說:「影得我老啲、滄桑啲。」

真面目

翻舊賬 《大時代》劉青雲撬走郭藹明 邵仲衡:講嘢衰衰格格!

23年前嘅《大時代》上週重播,劉松仁、鄭少秋、藍潔瑛齊齊翻 hit,睇走勢丁蟹四子必接棒令巴打熱捧, 4蟹中以孝蟹邵仲衡最搶,當年 28歲為大台力捧小生,但於 95年完約忽然投入越野賽車界搵大錢,上年又突然客串電影《點對點》,不料久休復出被翻舊賬,遭踢爆當年原來同郭藹明拍拖兼被撬牆腳。出名講嘢率直嘅 51歲邵仲衡上週接受《 FACE》訪問,他直言有人在女友家樓下苦等撬牆腳,今鋪仲唔買定花生?







51歲邵仲衡 95離開無綫後,去過東南亞拍劇,輾轉開咗越野車店專門搞越野車生意,去年將生意交晒俾拍檔開始回歸幕前,除咗拍過港台劇《沒有牆的世界》同翁虹飾演夫婦,亦有客串電影《點對點》。復出預咗被人翻舊賬,去年就被指同郭藹明拍過拖,仲係被影帝兼《大時代》死敵劉青雲撬走添。

劉青雲同郭藹明結婚 17年,相當恩愛,估唔到《大時代》重播,被人勾翻起舊情史。

《大時代》 4個蟹仔以孝蟹戲分最搶,當年 28歲邵仲衡係大台力捧小生嚟㗎。電視圖片

女友明撬

上週邵仲衡接受本刊訪問,其間無所不談,被問及郭藹明戀情,他說:「當時我有個女朋友,某君又追緊佢,個某君就成日喺我女友屋企樓下等,我女朋友話返俾我聽,我當時同某君一齊開工,開工嘅時候鞋某君就對我鞋口鞋面,態度 180度轉變?講嘢又衰衰格格咁。(咁嗰個係咪青雲呀?)我唔答。」

95年離開大台,除咗去東南亞拍劇,邵仲衡仲喺香港同國內經營越野車生意,搵落唔少錢。

除咗青雲同周慧敏嘅感情線,劇中邵仲衡同李麗珍嘅戲亦相當感人,二人亦傳過緋聞,不過邵仲衡話:「冇,肯定冇,我哋係拍檔嚟啫。」之後二人仲喺三級片《不扣鈕的女孩》合作床戲連場。電視圖片

經典「銀河十星」

87年邵仲衡為無綫「銀河十星比賽」冠軍,同期有郭富城,他亦同邱淑貞拍拖,他說:「唔講,我被人飛嘅。」

上年邵仲衡客串電影《點對點》,𠵱家食住《大時代》個勢應該全面 come back。

除咗郭藹明,邵仲衡仲同唔少當年女神包括李麗珍同邱淑貞有過緋聞,邵仲衡亦照講:「李麗珍肯定冇,只係合作拍檔。(邱淑貞呢?)唔講,好耐啦,我被人飛嘅。」 95年脫離電視,𠵱家又回歸好易被人誤會撈唔掂,邵仲衡話:「我冇過億身家,但我開嘅「越野貨倉」好多人識,𠵱家可以做自己鍾意嘅嘢,就係演員,(有冇人話你講嘢太直?)直有咩唔好?你估我唔識曲咩?但我唔會為咗有演出機會而做假。」事隔 23年孝蟹依然霸氣。

孝蟹爆 4蟹秘史

51歲邵仲衡講嘢夠激,除咗自爆情史,亦大爆 4蟹拍《大時代》嘅趣聞,真係估唔到吳啟華阿哥吳啟明原來係揸波子返工,仲會成日鬼仔上身講 bloody hell。

電視圖片

丁蟹•鄭少秋 食花粉

秋官直頭係場場戲都打真軍,好勁,睇住佢食,一路拍一路食補品㗎,除咗蛋白粉,我見佢捱夜食花粉!

電視圖片

益蟹•陶大宇 勁爛飲

大宇開早工你會聞到酒除,佢同你做對手戲,一陣酒氣噴埋嚟真係好勁。佢開六點工,凌晨四點仲喺酒吧隊緊。

電視圖片

旺蟹•郭政鴻 超老粗

鴻仔就打功夫出身㗎嘛,硬橋硬馬嗰啲,平時講嘢都大聲啲,喂!你講嘢呀?

電視圖片

利蟹•吳啟明 好有錢

佢官仔骨骨,不過成日講「 bloody hell」,平時就揸保時捷開工㗎,佢為咗西貢有檔車仔面啖湯,可以飛車過去飲㗎,佢個人好過癮。

鍾意就快D Share啦!