掃呢頁CODE去手機

2015年4月29日 星期三

扮單身出雪櫃 鍾嘉欣假撇伍允龍 [FACE - 414] 嘉欣,伍允龍,鍾嘉欣,MF,



07年本刊率先爆鍾嘉欣秘撻伍允龍,晚飯後伍允龍仲上埋嘉欣屋企短聚添!

封面

扮單身出雪櫃 鍾嘉欣假撇伍允龍

大台出名孤寒兼冇發揮,花旦小生紛紛北上掘人仔搵快錢,香港市民選擇愈來愈少。

除咗自願北上,拍拖亦往往係花旦死因,保守大台同唱片公司都不喜歡藝人拍拖,捧打鴛鴦屢見不少。

最近有傳 31歲的鍾嘉欣為保事業而狠撇拍拖 8年的伍允龍,消息一出,鍾嘉欣即獲唱片公司高層、一向對鍾嘉欣愛護有加的何哲圖放生,月初已完成為新劇《武則天》錄插曲,之後又有新歌錄音,週日( 26日)亦已起程往內地拍新劇《哪吒》,睇嚟事業和愛情,真係只可以揀一樣咋喎!







04年參加「國際華裔小姐」獲得冠軍而加入娛樂圈的鍾嘉欣,多年來純情乖乖女形象多仔冧,亦深得廣告商和監製愛用,一年拍 4劇和 6個廣告絕對是等閒事。

13年底嘉欣喺九展開個唱,伍允龍不但高調捧場,仲放相上微博,戀情一度浮面!網上圖片

網上圖片

嘉欣以前唔識煮飯,但家人始終唔喺身邊,自己都要識照顧自己,喺嘉欣微博經常搵到佢嘅私房菜圖,但 2碗飯,唔知煮埋畀邊個食呢?網上圖片

「 Ready嘅時候會高調」

入行 11年,剛踏入 31歲的鍾嘉欣即將有新劇《華麗轉身》推出,據知嘉欣去年 9月接拍此劇前,有傳她歷年來與視后無緣心淡,故情願放假陪家人。

「嘉欣入行都 10年,之前試過一年拍 6套劇,實在負荷太重, 14年嘉欣都拍咗 3套,係時間要休息吓。」鍾嘉欣在休息期間,大多時間留在溫哥華與家人團聚,其餘時間則選擇在港接簡單的公開活動或廣告代言。入行多年,雖然嘉欣形象保持到,但公司始終不願她承認與伍允龍的戀情,去年底便曾企圖捧打鴛鴦。

據知曾經在微博表示要支持男友有份主演的電影,和出席首映禮等,以上舉動完全觸怒大台高層、一向對她愛護有加的和星夢娛樂老闆何哲圖,據知公司不滿伍允龍零知名度,而隨住聽教聽話的吳若希加盟星夢娛樂後,嘉欣隨即被打入冷宮,前年於九展舉行完個人演唱會後,歌唱事業一直未再有進展。

21/4 邊行邊笑

上週二( 21日)嘉欣去完宣傳新劇《華麗轉身》後即急急腳坐的士返將軍澳寓所,全程笑笑口咁,心情睇嚟唔錯。

去年 4月嘉欣的生日會上,全部大台人,而伍允龍企正嘉欣後面,名正言順做嘉欣背後嘅男人。

網上圖片

休息咗大半年,難得出席活動見到咁多 fans,嘉欣趕都唔走,係都要同班 fans影晒相至肯離開。

一直都有傳陳展鵬想做第三者追嘉欣,早前有網友就喺紐西蘭都影到二人行超市,不過當事人梗係否認

新寵吳若希 踢走嘉欣 BB

鍾嘉欣 08年已加入星娛樂(現改組為星夢娛樂),有揸 fit人何哲圖陪出陪入。曾經出過 3隻大碟加 1張精選碟嘅嘉欣,當年都受過唔少何哲圖恩惠。

但隨住吳若希 10年加入,年輕、聽話自然得寵,何哲圖即搵其大台高層老婆余詠珊幫手,安排吳若希拍劇、做主持,待遇似足當年嘉欣咁得寵期。

何哲圖出名愛錫嘉欣,呢幕叔叔拖拖更加係深入民心。

得寵初期,吳若希當正何哲圖係老豆咁陪行商場,嗲聲嗲氣,好難唔受氹嘅!

已多次收到公司投訴的嘉欣,始終要向現實低頭,於本年初,二人決定轉行地下情。「篇報導寫到嘉欣為咗事業而放棄男友,其實嘉欣份人好專一,都當正 Philip係結婚對象,佢(嘉欣)話過,拍得拖就預咗結婚,佢哋兩個有時都會有小爭執,不過佢哋處理手法都好成熟,而且佢哋一向都好 sweet,未聽過話冷戰之類。」

早前有人刻意放風,指嘉欣和伍允龍已經分手,果然工作馬上接踵而來,嘉欣即接獲星夢安排錄新歌,並已計劃出新碟,又有《武則天》插曲唱,而大台亦馬上安排她往杭州 3個月,拍住王祖藍拍內地劇《哪吒》,年尾亦會拍住老拍檔黃宗澤拍另一套時裝劇。

嘉欣出名眼淺,一個女仔離鄉別井,見親父母都喊到收唔到聲!電視圖片

去年 9月,鍾嘉欣為劇集《大藥坊》錄完片尾曲〈大愛〉後,就冇新歌錄了。網上圖片

週日( 26日)嘉欣已出發杭州為新劇《哪吒》開工。網上圖片

4年搏視后

大台花旦買少見少,已上一線的嘉欣曾經有望攞視后,可惜最終只係擦身而過。如今嘉欣決意先將感情再低調,在多個訪問中,嘉欣都提到希望 35歲前結婚兼生 B,其實自 07年鍾嘉欣和伍允龍拍拖首次斷正,嘉欣已不止一次公開講伍允龍,「我哋低調㗎嘛, READY嘅時候會高調!」、「我同佢(伍允龍)私底下嘅關係唔錯,佢係一個可以講到好多心底話嘅人,佢係一個好好嘅人,亦係一個信得過嘅男人。」仲有四年時間,努力!

完成《哪吒》的拍攝後,嘉欣即與舊拍檔黃宗澤合作拍大台新劇。網上圖片

分手消息一傳,嘉欣即接獲錄音通知,月初已完成《武則天》插曲的錄音。網上圖片

浮浮沉沉

鍾嘉欣和伍允龍 07年開始拍拖,轉眼間已經 8年,本應好哋哋間中公開 sweet吓,可惜敵唔過公司壓力,𠵱家轉行地下情。辛苦晒!

07年

鍾嘉欣和伍允龍首次被影到拍拖晚飯,最後伍允龍仲送埋自己上嘉欣屋企添!

《蘋果日報》圖片

13年

8月鍾嘉欣首次開個唱,伍允龍親自到場支持,完騷後喺化妝間同女友合照即晚放上微博宣示主權,終於 man返次!

網上圖片

14年

伍允龍新戲《惡戰》上映,鍾嘉欣喺微博 po海報和戲飛以示支持,仲話好可惜去唔到首映添!

網上圖片

15年

已協議轉行地下情,兩人微博已經再唔提得對方,從此伍允龍微博就只得返「男人與狗」!

嘉欣 BB 未輸晒

84年出世嘅嘉欣 BB,雖然今年已經 31歲,不過夠純情形象討好,基本上係無咩人會討厭佢。可惜一個情字,令嘉欣進退失據,亦令吳若希有機可乘,除咗年齡,係絕對有四大優勢贏吳若希㗎!

《蘋果日報》圖片

贏 名氣

唔使多講, 04年國際華裔小姐冠軍呢個名,已經贏晒吳若希近年攞過嘅獎項吓話?

網上圖片

贏 學歷

嘉欣 BB喺加拿大 UBC(英屬哥倫比亞大學)讀兒童教育系二年級,雖然因為參選華姐而最終無畢業,但係相比起中五都未畢業嘅吳若希嚟講,已經贏咗幾條街先

網上圖片

贏 廚藝

一個人隻身由溫哥華嚟香港生活,多年來嘉欣 BB已經學識煮飯仔!早排佢至話可以煮到 6餸一湯喇!唔知吳若希又識唔識煮公仔麵呢?

網上圖片

贏 純情

大家都知,嘉欣 BB出道咁多年,數嚟數去都係得林峰、陳展鵬同埋伍允龍呢幾個緋聞男友,但係睇返吳若希本數簿,真係厚到唔知邊頁開始睇先啱㗎!

我唔夠鍾嘉欣鬥?

咪嗌設計對白

典解嘅?典解嘅?典解嘅?典解嘅?典解嘅?典解嘅?典解嘅?典解嘅?

鍾意就快D Share啦!