【更新：內容】
「見到警就要走，驚畀人拉，因為無身份證。」12歲男童肖友懷（懷仔）自3歲起，由外婆以雙程證帶到香港，至今已逾期居留9年，一直過著無證生活，並無上學。但早前一宗外籍無證女童墮樓事件，令外婆擔心懷仔未來，於是決定自首，希望入境處能酌情向男童發出行街紙。
懷仔與外婆在工聯會安排下出席記者會，據懷仔外婆表示，懷仔出生前父親因工業意外要截肢，母親患上乳癌，懷仔一出世就被遺棄在深圳街頭，外婆不忍外孫變孤兒託人照顧，但對方在懷仔3歲時拒絕再照顧，外婆唯有利用其他人的戶籍，讓懷仔透過雙程證來港，證件過期後讓懷仔一直匿藏在香港。
因為沒有身份證，懷仔不單無上學，即使生病受傷，外婆亦不敢帶他到醫院或診所求醫，「因為無證件，無醫生肯幫佢睇病。見到警察佢走返入廁所，有一次喺廁所跌到隻腳腫晒，我哋就睇中醫，中醫唔使攞身份證。」講到外孫前路茫茫，外婆擔心得落淚，「阿婆今年60幾歲，將來死咗唔知點，佢就話咁我陪你一齊，我哋一齊死，我都無證件，如果唔係你留我喺度都無用，出面畀人蝦我哋都唔夠膽同人講多兩句」。
外婆稱早前見到15歲無證少女墮樓，擔心懷仔一直無證匿藏會影響成長發展，故決定自首。懷仔一直靠外婆教他讀書寫字，但仍希望能像普通孩子一樣上學，「想讀書，同出嚟做嘢養阿婆阿公」。協助他們的律師下午會陪同二人向入境處自首。
律師劉嘉華表示會協助懷仔婆孫，指婆婆或涉教唆他人逾期居留，至於有否觸犯教育條例，他說希望當局考慮他是制度促成要退學，而非存心不讓孩子接受教育，加上懷仔在內地出生，是否受香港教育條例規管要再研究。
|
鍾意就快D Share啦！
|
|
|