Eddie媽上門代箍煲 朱慧敏爆喊拒讓步 [忽然1周 - 1034] Eddie,朱慧敏,MW,

滾熱辣

Eddie媽上門代箍煲　朱慧敏爆喊拒讓步

朱慧敏和前 EO2成員彭懷安（ Eddie）拍拖三年，即使男方多次被拍到夜蒲溝女，朱慧敏依然對男友投信任一票。年初她更宣布明年二月下嫁 Eddie，可惜食開有癮的 Eddie，日前再被爆偷嗒「長腿 G.E.M.」陳惠敏。

報道一出，難再姑息未婚夫的朱慧敏，即日便致電取消酒席、婚紗、化妝和場地布置，更 book定 6月初的機票，隻身赴美國三個月「過冷河」。

朱慧敏氣難下，更拒見 Eddie。據知 Eddie母親日前上門代仔求情，其間朱慧敏雖然即場爆喊，但最後堅拒讓步，更講明婚期無了期押後，三年情凍過水。

其他影片：>>Eddie偷食　朱慧敏振作
>>朱慧敏強忍傷痛現身
>>朱慧敏：婚事要延遲
>>死心朱慧敏延遲婚期　 Eddie死撐：我冇對佢唔住
>>朱慧敏取消酒席　赴美散心三個月

經歷多次感情跌宕的朱慧敏，年初宣布下嫁拍拖三年的 Eddie。她更索性入股未婚夫的華星冰室，夫唱婦隨日日打躉茶餐廳做生招牌。

雙方婚期已定，但爛蒲的 Eddie早前撇低未婚妻，拖實短裙嘅「長腿 G.E.M.」，大街大巷摸面珠不特止，還載女返香閨。上周五（ 15日）晚，含住一泡眼淚開工的朱慧敏，終於忍無可忍插爆負心男：「同類事件並非第一次……喺我立場嚟講，我係想延遲婚期。」

含淚回應

上周五（ 15日）晚，朱慧敏對於 Eddie偷食一事，態度堅決的表示要延遲婚期，更望男方會承擔責任站出來回應事件，一度講到淚盈滿眶。

網友勸諗清楚

唔少網友均撐朱慧敏延遲結婚屬明智之舉，更勸她要深思熟慮，以免嫁錯郎後悔一生。

衰耳仔軟

Eddie曾多次被拍到夜蒲溝女，但朱慧敏都會耳仔軟原諒對方，更屢次維護龜縮男友。不過今次她企硬指同類事件已非首次，看來女方真係忍無可忍。

罕有現身解畫

Eddie深知今次事態嚴重，罕有地於上周六（ 16日）現身解畫，表示要向未婚妻道歉，但仍多次強調自己沒有做出「對唔住」朱慧敏的行為，只是要一改送人回家的習慣。

失落開工

未埋位時，朱慧敏不時顯得神情落寞，神不守舍，明顯為男友偷食事件煩心。

婚前偷會長腿妹

Eddie結婚前俾人斷正偷會長腿索女陳惠敏，姑勿論當晚二人有冇下文，但作為準新郎的他，不懂避嫌一樣抵鬧。

年頭攬韓妹

年初，網上流傳 Eddie在夜場和一名韓妹玩至攬腰坐大髀的照片。當時 Queenie竟以「介紹菜式，推動香港旅遊業」作藉口為男友解畫。《網上圖片》

12年拖長髮妹

12年， Eddie背住朱慧敏，當街拖實長髮妹離開中環夜場。當時朱辯稱該女與 Eddie只是好朋友。圖片

即日取消酒席

宣布婚訊

Eddie 2月在微博 post與朱慧敏的合照和婚戒，宣布求婚成功。

朱慧敏話做就做，據知在當日早上未婚夫偷食報道一出時，她已第一時間致電取消酒席。知情人透露：「 Eddie同 Queenie（朱慧敏）原定 book咗大埔科學園 Club One五十圍酒席，亦都搵定婚紗公司同場地布置公司。不過單新聞一出， Queenie決定婚期押後，仲話明有可能取消，唔想 hold人個期，阻住人哋做生意，所以先打電話 cancell晒啲 booking。」

撻訂蝕十萬

本刊日前致電 Club One，求證朱慧敏撻訂一事。其職員沒有斷然指出記者弄錯，只表示屬客人私隱，不便透露。

朱慧敏和 Eddie原定於下年 2月初拉埋天窗，二人早於今年 3月已 book定在大埔科學園 Club One擺酒，貪其地方大，可以筵開 50圍酒席。

以綠色環保概念布置宴會廳的 Club One每圍酒席約$13,000。據知朱慧敏和 Eddie最初揀選這個地方，是遷就住在大埔的男家親人，同時由於 Eddie在圈中有不少好友，因此需要較大的場地宴請賓客。可惜偷食事件曝光，準新娘取消婚宴， Eddie早前所付的十萬訂金亦無法取回。然而錢銀事小，老婆事大，未知 Eddie今次有冇本事再𠱁掂未婚妻。

遇人不淑

現年 34歲的朱慧敏， 04年港姐亞軍出身，多年來屢遇花弗男。佢雖然有樣有身材有學歷，但選身邊男伴時，眼光卻麻麻。

梁榮忠「車震」

05年，梁榮忠背住拍拖 8年女友鍾麗淇，與朱慧敏在車上激吻。事後，朱慧敏除了慘遭無綫雪藏外，更被冠以「第三者」的惡名，朱慧敏曾呼寃表示不知男方有女友。

Rick Chang悔婚

09年，朱慧敏與在台灣做 IT生意的富豪男友 Rick Chang拍拖，其間更坦言隨時嫁得。豈料 Rick被傳媒踢爆在台灣攬咀辣妹，最終 Rick悔婚，兩人分手收場。

圖片

Eddie媽恨抱孫

平時扮好仔

以往 Eddie一有空就會拖實朱慧敏和姨甥仔周圍去，貌似一家三口樂也融融。

偷食事件曝光後， Eddie多次致電朱慧敏求饒，更試過上女方位於清水灣半島的寓所，但每次均食閉門羮。最後就連 Eddie年邁母親，日前亦上門代仔求情。知情人說：「 Eddie阿媽年紀唔細，成日催佢哋結婚，希望可以快啲抱孫，加上男家嗰邊已經通知晒啲親朋戚友，如果取消婚禮，男家嗰邊會好冇面。所以今次明知阿仔幫唔落，但老人家見兩個後生今次鬧得咁僵，都忍唔住插手，上門勸 Queenie大事化小。老人家仲同 Queenie講，話 Queenie啲屋企人唔喺香港，冇人照顧佢，如果同 Eddie結咗婚，大家就係一家人。」

「未來奶奶」代仔求情，已連續多晚失眠的朱慧敏，當日情緒一度崩潰，喺老人家面前爆喊，但最終表明自己需要時間冷靜，着老人家先回家。

美國搵表妹

Eddie之前兩次攬女，朱慧敏都耳仔軟原諒對方。但揚言「戀愛不等同結婚」的她，今次為免嫁錯郎，做錯決定，日前已 book定機票，六月初隻身赴美國西雅圖，搵住在當地的表妹傾訴心事。其後再會到英國，搵已移民當地的中學恩師一家敍舊並順道散心，前後出走三個月。

男方懶理婚事

冰封三尺非一日寒，朱慧敏今次企硬，並非單純因男方偷食，反而是雙方在籌備婚禮期間，男方一副「你緊我唔緊」態度。知情人續說：「 Queenie最嬲係 Eddie唔嗲唔吊性格，永遠冇主見，樣樣都要女方揸主意。 Queenie半年前叫佢要決定個 sitting plan，到今時今日都仲未有， Eddie成日話使乜咁急。為咗呢啲事，佢哋嗌交嗌到要雙方 block埋對方個 WhatsApp。」朱慧敏和 Eddie更坦言雙方為傾婚事而冷戰足足一個月。

貼樓下嫁

朱慧敏 13年買入，現市值 560萬的清水灣半島兩房單位，原本是準備倒貼與 Eddie作婚後的愛巢。

夫唱婦隨

去年底，朱慧敏入股 Eddie開的「華星客棧」，諗住坐定粒六做老闆娘，豈料現在婚事分分鐘撻 Q。

信冇偷食唔代表嫁硬

打定金器

Eddie早排與朱慧敏興奮到珠寶店為婚禮打定金牌。

雖然 Eddie日前就偷食一事，表示已得到朱慧敏原諒。而朱回應傳媒亦指「除非捉姦在牀」，否則依然會信男方。但其實二人由拍拖至今，溝通一直有問題。每次鬧交，男方便會玩失蹤。上月朱慧敏生日，亦因雙方正處於冷戰期，男方冇陪女友之餘，更被捉到正偷會「長腿 G.E.M.」。難怪朱慧敏說：「無可否認佢（ Eddie）係一個好人，亦信佢冇對自己唔住。不過我哋之間仲有好多問題要解決，結唔結婚仲係言之過早。」

婚前偷食不結即分

正所謂「十個男人九個滾，剩番一個仲諗緊」，男人偷食乃兵家常事，但往往遭踢爆後，事情總是會戲劇性的發展，不選擇分開的就會結婚。

鍾舒漫

不下一次被拍到夜蒲溝女的吳浩康，就在婚前，再被斷正當街攬啜巨胸妹 Yvette。心死的鍾舒漫立即發表「單身宣言」，表示與吳浩康回復普通朋友關係。

周慧敏

08年，倪震被拍到在中環夜店啜爆城大女生張茆，事後宣布引咎與周慧敏分手，但一星期後二人竟戲劇性宣布結婚。

周汶錡

09年，周汶錡法籍未婚夫 Julien Lepeu被拍到與樂壇新人張苡澂在尖東海旁激吻後，一度分手。但後來二人同樣峰迴路轉在法國完婚，現時周更是臨盆在即。

鍾意就快D Share啦！

下一篇 》