呢排江湖人人擔憂，事關14K鬍鬚勇聽講接受癌病治療情況唔好，於是壹仔約佢出來見面飲餐茶，點知鬼打冇咁精神，腦袋仲轉得好快，話要同人鬥詩。
嘩咁巴閉，！14K油尖旺揸Fit人鬍鬚勇向壹仔記者挑機？記者都打個突，鬍鬚勇乜事發爛渣呀？原來佢忽發雅興，最近鍾意寫「回文」，仲要求壹仔玩埋一份。講開回文，記者讀書嗰陣，成日聽人講：「上水居民居水上，大圍三姑三圍大」，至於長洲賓客喇喎，讀者自己駁埋句回文喇。
鬍鬚勇就風趣作咗：「生一孝子孝一生，親娘問候問娘親」，其實叫佢文雅啲又得，佢立刻腦筋一轉，寫咗：「龍騰閣內閣騰龍，花生樹上樹生花。」咁爆哥諗到頭皮見骨，終於諗回佢一句：「勇哥大佬大哥勇」算係交差。勁！
鬍鬚勇十年前確診腸癌，醫生話佢已經屬於末期，但呢十年來，鬍鬚勇依然硬淨頂住，有咩新嘅治療方法，佢就冇有怕，一於去試，早前江湖傳聞佢情惡化，鬍鬚勇話其實早前接受電療，灼傷個肺，搞到佢冇乜胃口食嘢，所以身體消瘦囉，佢搭一搭爆哥膊頭，拍心口話：「希望在人間！」
不過鬍鬚勇亦都勸爆哥，要珍惜眼前人，佢好坦白話：「以前人哋得罪我，我會成日諗住點樣整返人，我好硬頸，唔會主動關心人。呢十年，我領悟到做人一有時間同精神，就應該主動同人搭膊頭做朋友。」
據聞，14K各路大哥近來傾緊行新制，將會幾年投票一次選統一坐館，但幫內中人都話，鬍鬍勇一日坐陣，佢地都尊重佢老人家行舊制，唔革新住哦。
嘩咁巴閉，！14K油尖旺揸Fit人鬍鬚勇向壹仔記者挑機？記者都打個突，鬍鬚勇乜事發爛渣呀？原來佢忽發雅興，最近鍾意寫「回文」，仲要求壹仔玩埋一份。講開回文，記者讀書嗰陣，成日聽人講：「上水居民居水上，大圍三姑三圍大」，至於長洲賓客喇喎，讀者自己駁埋句回文喇。
鬍鬚勇就風趣作咗：「生一孝子孝一生，親娘問候問娘親」，其實叫佢文雅啲又得，佢立刻腦筋一轉，寫咗：「龍騰閣內閣騰龍，花生樹上樹生花。」咁爆哥諗到頭皮見骨，終於諗回佢一句：「勇哥大佬大哥勇」算係交差。勁！
鬍鬚勇十年前確診腸癌，醫生話佢已經屬於末期，但呢十年來，鬍鬚勇依然硬淨頂住，有咩新嘅治療方法，佢就冇有怕，一於去試，早前江湖傳聞佢情惡化，鬍鬚勇話其實早前接受電療，灼傷個肺，搞到佢冇乜胃口食嘢，所以身體消瘦囉，佢搭一搭爆哥膊頭，拍心口話：「希望在人間！」
不過鬍鬚勇亦都勸爆哥，要珍惜眼前人，佢好坦白話：「以前人哋得罪我，我會成日諗住點樣整返人，我好硬頸，唔會主動關心人。呢十年，我領悟到做人一有時間同精神，就應該主動同人搭膊頭做朋友。」
據聞，14K各路大哥近來傾緊行新制，將會幾年投票一次選統一坐館，但幫內中人都話，鬍鬍勇一日坐陣，佢地都尊重佢老人家行舊制，唔革新住哦。
|
鍾意就快D Share啦！
|
|
|