徐錦江近年除咗拍戲之外，其餘時間都主力搞藝術，佢仲話唔介意貼錢開藝術館。提到做生意，徐錦江原來都試過搞餐廳，不過最後都係損手收場。
徐錦江搞生意損手，搞酒吧街更蝕過千幾萬。至於投資磚頭，徐錦江個答案令人意想不到。原來佢去到某一個地方比較耐，就會選擇係當地買樓，拍隨邊買到邊。度度有樓收租，但最大嘅投資，徐錦江同大家講反而唔係磚頭，而係木頭。
佢對於收藏明清傢俱非常有心得，特別喜愛黃花梨、紫檀木。徐錦江話︰「你話我點解買磚頭，就係因為我啲傢俱，冇位擺呀!」更因為明清傢俱升值潛力驚人，因而令到徐錦江有時轉手而賺唔少。
