掃呢頁CODE去手機

2015年5月8日 星期五

母親陪渡難關  Liddy認愛錯彭順:令我比死更難受 [忽然1周 - 1032] 彭順,李悅彤,Liddy,MW,



在有線節目《帶阿媽去旅行》, Liddy提及彭順及喪父時,仍然眼濕濕,指自己愛錯人。

娛樂喧

母親陪渡難關  Liddy認愛錯彭順:令我比死更難受

去年 5月 26日,李悅彤( Liddy)被爆戀上有婦之夫彭順,因為做小三而被千夫所指。禍不單行,做小三「響朵」後五日( 6月 1日),其父李德仁又發生吞槍自殺慘劇。

雙重打擊下的 Liddy,現在只有向前看,最近她與母親到泰北為有線娛樂台拍攝《帶阿媽去旅行》,談到舊愛彭順亦難掩傷痛:「究竟乜嘢令我比死更難受?就係當你毫無保留去愛一個人,但到最後你發現原來佢根本冇真心對你!」

男人靠唔住,令 Liddy明白親人的愛才是最義無反顧的。做小三的教訓,令她學習到「唔好再盲目去愛一個人」。

Liddy父母四年前離婚。她為愛做小三,但彭氏夫婦卻沒有離婚,李悅彤最後不但輸了愛情,更因小三之名成為眾矢之的。現在她能做的,是從錯誤中學習。

「喺我同媽咪嘅人生裏面,愛係一個學習嘅過程,我媽咪經歷過離婚後,終於有所領悟。而我呢,或者我要學習嘅,係唔好再盲目去愛一個人。」

彭順被發現有小三後,仍然獲妻子李心潔原諒,兩人更多次刻意人前晒恩愛。

彭順小三

去年 Liddy被發現是彭順小三,兩人當街攬啜,又到便利店買糧上樓密會。

《蘋果日報》圖片

槍手女兒

爆出 Liddy成為小三後,不久即發生啟晴邨槍擊案,事後發現原來槍手李德仁就是 Liddy父親。

唔好鬧我老竇!

Liddy說彭順是她人生中第三個男友。「好細個我已經過嚟香港住,一路住木屋同安置區,最後捱到上公屋,我哋(指一家人)有開心過,但好快(生活)又跌番落去嘞!之前我哋都 handle到,但最近連續兩單(事件)吖嘛,一單都未傷心完,就已經輪到第二單再嚟,再加上公眾嘅輿論,我覺得鬧我唔緊要,但唔好鬧我老竇啦。

「我想為阿爸做番啲嘢。不嬲都有呢個心,自從我老竇去咗之後,更加想為佢爭番口氣,希望老竇可以以我為榮!」

忽然上身

在節目學泰拳, Liddy忽然上身,自爆:「我愛一碌葛!」然後就跳上沙包。 Liddy媽見狀,即大力打沙包,嚇得 Liddy半死。

越野死火

Liddy仲有同阿媽玩越野賽車,兩母女手忙腳亂,搞到架車半途死火。

去年 11月, Liddy與母親李萍,應邀到泰北拍攝特輯。 Liddy媽年近五十,仍然保養得宜,面對記者亦氣定神閒。

離婚令女兒有陰影

Liddy自小與母親感情要好,現時 Liddy有甚麼心事,仍然會第一時間同母親分享。

拍攝節目時, Liddy媽談到女兒的戀情,只有搖搖頭說:「前面嗰兩個(男友)?仲差啲!」至於彭順, Liddy媽避而不談。不過,由於父母離婚令女兒對愛情有陰影, Liddy媽坦言內疚:「我由頭到尾只有一段感情,我自問都唔夠成熟,最差嘅係喺佢哋(指兩個女兒)面前嗌交,俾佢哋嘅感覺係……男人點解係咁㗎!男人靠唔住!」

對於女兒慨嘆每次真心付出都得唔到好結果, Liddy媽以過來人身份安慰女兒:「其實一個人付出冇用㗎!係兩人都互相理解至可以,你又太真性情啦,其實冇話邊個欠邊個囉,要講互相嘅!」

想擺脫小三陰霾

問到娛樂圈咁窄,怕唔怕遇到彭順同李心潔? Liddy立即築起圍牆說︰「遇到先至算(對李心潔有沒有愧疚?)邊個冇人生經歷吖!依家最緊要係一家人整整齊齊。」

她希望可以擺脫小三的陰霾。「老實講,香港人好善忘嘅,我依家行出街都未必有人記得啦,每日咁多新聞發生。」

有線娛樂台選擇邀李悅彤母女去泰北拍《帶阿媽去旅行》,而且安排在母親節( 10日)播映上集(翌周日再播下集), Liddy亦感嘆︰「以前只知媽咪好重要,現在卻感受到她是我的人生嚮導。」

破碎家庭出小三

除了 Liddy,其實唔少做過小三的女星,都是出身自單親家庭。

梁詠琪

父母在她 14歲時離異。 99年,她在邵美琪手上搶走鄭伊健,因而得到「好勝 Gigi」稱號。之後她移情老外, 2011年與西班牙籍老公 Sergio結婚。

吳綺莉

自小跟隨母親生活的吳綺莉, 99年搭上人夫成龍,兩人多次公開打情罵俏,當正印林鳳嬌冇到。後來她誕下女兒吳卓林,並獨自撫養。

黃宇詩

黃霑在女兒黃宇詩未出世,已經拋棄老婆華娃,移情於林燕妮。黃宇詩近年和彭慶餘( Peter)拍拖,有指是她介入才令 Peter與髮妻離婚。

鍾意就快D Share啦!