掃呢頁CODE去手機

2015年5月8日 星期五

丁子高催千嬅生女 [忽然1周 - 1032] 丁子高,楊千嬅,千嬅,MW,



媽咪姐

丁子高催千嬅生女

楊千嬅同丁子高結婚就快 6年,囝囝進諾( Torres)都快 3歲喇!雖然兩公婆各有各忙,要照顧囝囝好嘥精神。但丁生一直想追多個女,之前做訪問,佢總係有意無意話想生女,覺得囡囡成日黐住爹哋,睇見朋友生女好羨慕,無奈嘅係老婆嚟緊又要做巡迴 show,要等佢得閒先。

媽咪姐呢日睇到丁生嘅 Instagram,明顯恨生女恨到出面喇!佢擺咗張與千嬅助手個女影嘅合照,講到出口:「你話有個『女』幾好呢?」唔知千嬅睇到老公寫呢段嘢,有冇壓力呢?

千嬅真係好媽咪嚟㗎!幾忙都好,點都抽時間陪 Torres玩。不過生個妹妹陪囝囝玩,應該更好。

千嬅呢排忙住巡迴演唱會,又要出碟同拍戲,有時仲要離開香港。佢自己都話好掛住囝囝。

網友幫拖

丁子高抱住人哋個女都咁開心,網友就更加出力,發功幫丁生催千嬅開工,快啲追個女。不過,再生係咪女,都要睇個天噃!

丁生加油,

湊夠一個「好」字

鍾意就快D Share啦!