掃呢頁CODE去手機

2015年5月8日 星期五

婚姻亮紅燈 魏駿傑嫩妻夜會單車名將 魏駿傑,



魏駿傑的嫩妻張利華近月身邊出現「男閨蜜」鄧宏業,七年婚姻亮起紅燈。

next 1/1 pre

張利華早上做個好妻子,獨自買完一大袋家庭日用品回家。

next 1/1 pre

晚上衫都無換就趕出去蜜會鄧宏業。

next 1/1 pre

睇吓鄧宏業個樣冧到咁就知餐飯食得有幾開心,張利華仲着住鄧宏業件外套。

next 1/1 pre

食完飯唔想返屋企,二人漫步街頭商量下一站去邊。

next 1/1 pre

去咗郵輪碼頭繼續談心,開頭行到離行離列,去到無人地帶,鄧宏業即視察四周後與張利華肩並肩漫步。

next 1/1 pre

鄧宏業仲攬住張利華條腰同幫佢拎手袋,真係關係非淺。

next 1/1 pre

之後夠鐘返屋企,二人上車之後都要傾一大輪先至肯走。

next 1/1 pre

幾日之前張利華與鄧宏業同成班朋友一齊出去食飯,喺朋友圈中佢哋已經係公開的秘密。

next 1/1 pre

食完飯二人即撇下朋友慢慢步行攞車。

next 1/1 pre

張利華在家門前仍不斷撳電話,似向鄧宏業報告情況。

next 1/1 pre

魏駿傑在家中湊女,張利華接近半夜先回家。

next 1/1 pre

魏駿傑七年前於重慶與張利華登記結婚。

next 1/1 pre

鄧宏業2009年在東亞運男子個人單車公路賽奪金。

next 1/1 pre

現年47歲的魏駿傑情史多多,令人最深刻莫過於與滕麗名一段九年情。早已北上發展的他火速與當年只得20歲的重慶學生張利華結婚,並於2010年誕下寶貝女,近年他發福不少,看似幸福男人,但最新一期《好報》爆出二人婚姻殺出程咬金,今年27歲的老婆張華利身邊驚現「男閨密」,「帶女洪郎」魏駿傑七年婚姻亮起紅燈!

夜會單車名將

上月10日下午6時許,張利華駕駛老公魏駿傑名下價值約80萬的LANDROVER座駕返回西貢寓所,並挽着一大袋戰利品,心情靚爆,魏駿傑與快將5歲的囡囡則在家中,以為一家共享天倫樂,可是張利華梳洗後不夠一小時,便衫也不換拿拿臨再出門,步出家門時左望右望,拔足走到離寓所5分鐘步程的暗角停車處,一輛平治房車正在等候她,車內有一名打扮甚潮的男士,張利華甫見對方即甜笑,看來關係非淺。

該男做「柴可夫」載張利華到土瓜灣「滾」,在一家食肆擦火鍋醫肚。步往食店前,二人在大街大巷刻意行到離行離列,但一入到食肆便放下戒心撐枱腳,全程講多過食,男方更不時講笑話氹她,逗得這位有夫之婦喜上眉梢;這位男閨密原來正是曾奪東亞運動會單車公路賽金牌的前港隊名將鄧宏業,可謂大有來頭。

一件衫兩份着

鄧宏業曾與港隊師妹黃蘊瑤拍拖,出名細心,與張利華開餐時,見食店冷氣開行,即自動波脫下「戰衣」給對方保暖,又不時夾餸給她,張利華即時冧晒。食飽飽後,二人意猷未盡,肩並肩往取車,再直駛啟德郵輪碼頭。

體貼攬腰挽袋

若要人不知,人少地方會好啲!二人甫抵郵輪碼頭,起初都相隔幾個身位踱步,但見人煙漸稀,便又愈行愈埋。鄧宏業不只揸單車叻,連揸女人手袋都相當純熟,二話不說幫張利華攞手袋,張利華邊行邊甜笑。二人散步往草叢邊位置,鄧宏業見暗處四野無人,即伸手攬實張利華纖腰。

現場所見,鄧宏業提議上二樓平台,但郵輪碼頭二樓燈火光猛,不消一會,又落番樓下繼續散步。張利華未知是否怕魏駿傑起疑,見時間不早要交人,便着鄧宏業取車離開,但二人在車內仍傾唔夠喉,多逗留一會才捨得返回張利華西貢寓所。

向朋友呻想分開

張利華在內地體育學院出身,又喜歡踩單車,據知大約一年前經朋友介紹認識鄧宏業,二人近半年愈行愈埋,經常出雙入對,據知情人士說:「佢哋兩個成日會喺朋友聚會一齊出現,不過都會有啲避忌,而張利華同鄧宏業亦多次好似情侶咁出席朋友聚會,有朋友多口問過佢點解唔帶埋魏駿傑出嚟,佢就話老公覺得呢啲活動唔啱玩,所以唔嚟!」此外,據知張利華亦曾向朋友呻想離婚,知情者說:「其實張利華覺得感情漸漸轉淡,愈來愈溝通唔到,仲因為咁多次同朋友訴苦,仲有諗過同老公申請離婚。」

朋友相聚半公開

魏駿傑嫩妻張利華與「閨密」鄧宏業鍾意食,真係食少一餐都唔得,其實在郵輪碼頭摸黑調情前幾日(上月5日),二人約埋成班Friend到「山旮旯」元朗錦田一家叫「素苗」的餐廳嘆私房菜。由於地點隱秘,一行人泊車後要經九曲十三彎才抵餐廳,席間二人並排而坐,邊食邊密斟,其他朋友見慣不怪。一行人晚上8時食到11時打烊才捧着肚離開。沿路行出車場時,張利華與鄧宏業照例並肩而行,跟好友吹水一輪逐一道別後,鄧宏業車載張利華返西貢。

小心緊慎過門不入

不過,張利華相當小心,即使鄧宏業座駕駛至其寓所村口,都採取「過門不入」政策。原來其寓門外可清楚望到村口位置,惟恐魏駿傑見到,她每次由鄧宏業接送時,都會在老遠暗角位置停車上落。當晚張利華落車與鄧宏業道別後,徒步數分鐘才返回家中,期間她不時篤電話似在跟鄧溝通報告安全,但見魏家燈火通明,魏駿傑與女兒已在家中等候「賢妻」回來。

另外,可能受鄧宏業醺陶,張利華迷上踩單車,投其所好,「五一」勞動節當日,張利華換上一身單車戰衣,大清早與朋友到上水踩單車,再到茶餐廳醫肚,然就駕着魏駿傑的座駕連同單車一同返屋企。

鍾意就快D Share啦!