謝安琪再發肉 凸襲陳凱琳
謝安琪、鄭嘉穎與陳凱琳等前晚為新劇《殭》拍外景，穿上緊身衫的謝安琪令雙峰表露無遺，赤腳跑步時雙峰更隨跑姿一齊跌盪，畫面震撼！一招「誰乳爭峰」成功搶走緋聞男女鄭嘉穎與陳凱琳的風頭。
赤腳謝安琪跑姿聳「動」，相比陳凱琳的包到冚打扮，可謂贏成條街！
無綫新劇《殭》前晚到長沙灣拍外景，劇情講述謝安琪（Kay）與陳凱琳（Grace）被關禮傑捉走，鄭嘉穎前來營救，Kay乘機赤腳逃走，最後嘉穎與關禮傑街頭激戰。赤腳上陣本已噱頭十足，但Kay還出動秘密武器，因身穿白色羊毛衫令雙峰被緊「Big」得表露無遺，跑街時更上下跌盪，畫面震撼，隨即成網民熱話！Kay出動「胸器」輕易搶走一對緋聞男女嘉穎與Grace的風頭，身為女主角的她今次威番次！
貼膠紙防爆甲
赤腳跑街的Kay曾試過跑爆趾甲，故今次醒目地在腳底貼上膠紙，但亦不及雙峰「吸睛」。對於獲網民激讚身材，Kay指因在荷蘭取景時肥了十多磅：「天氣好凍，喺嗰度成日食薯仔、薯條，又飲奶同食芝士！」又表示拍攝此劇全程投入：「身材係其次，最重要Keep住個心態同狀態！」
喪做冇覺好瞓
不過，從荷蘭返港後，Kay呻做到冇停手，很久未有連續睡逾四小時，對於老公張繼聰指她「夾帶私逃」飛到荷蘭，只餘下二千元給他，她笑說：「佢睇得太多《古惑仔》覺得去荷蘭就係走咗唔返嚟！」問到在荷蘭有否見到嘉穎與Grace有「景轟」？Kay說：「我對眼天生睇唔到人哋拍拖喎！我又唔會去八卦，你問番主人家！（嘉穎春風得意？）佢不嬲都好得意！」
女神之露
自升格做人妻後，Kay的女人味進一步昇華，憑着白滑雪肌及驕人上圍被網民留言激讚，更不時性感上陣，以大露背、Deep V及短裙仔亮相人前，看得網友、粉絲流晒鼻血，封她做「永遠榮譽女神」！
赤腳謝安琪跑姿聳「動」，相比陳凱琳的包到冚打扮，可謂贏成條街！
|
鍾意就快D Share啦！
|
|
|
