Regen打的撼石壆撞歪鼻
前HotCha成員張惠雅（Regen）前日清晨乘坐的士往無綫將軍澳電視城拍劇途中，疑司機瞌眼瞓而發生車禍，的士車身嚴重損毀。經歷生死一刻的Regen事發後仍忍痛開工，及後才到醫院求診證實鼻骨爆裂，歪鼻的她更有可能要接受矯形手術，回憶起意外經過的她仍猶有餘悸。
近日在無綫新劇《潮拜武當》擔演的Regen，最近忙於拍攝劇集《末代御醫》。前日清晨五時許，Regen乘的士到將軍澳電視城集合準備拍外景，當駛經環保大道時懷疑司機瞌眼瞓兼天雨路滑，以致車輛撞向路邊石壆，由於撞擊力強勁，的士車頭嚴重損毀。由於事出突然，坐在後座的Regen被猛烈的衝力致撞爆鼻骨。
「車入面攤咗五分鐘」
重提出事的一刻，Regen仍歷歷在目：「撞車前一刻聽到司機話『死死』，跟住就撞咗埋石壆。當時我個腦都一片空白，淨係覺得好頭暈，喺車入面攤咗五分鐘。」車禍後Regen坦言：「我撞親個鼻，但當時發現唔到有表面傷痕，加上又趕住開工，所以就自己行路返電視城。」她又稱離開現場時聽到的士司機正召拖車到場，她行返電視城途中遇同劇的演員林秀怡，於是乘坐對方順風車到電視城。
經歷完車禍的Regen本來如常開工，但拍攝外景期間因遇上黑色暴雨而要改期，此時撞擊的後遺症才在她身上出現。她說：「一話收工我先覺得頭暈兼手腳麻痹，要坐埋一邊休息，劇組同事問我咩事先知我撞車，就叫我快啲去醫院。」結果Regen在同劇演員蔚雨芯陪同下到將軍澳醫院求診，經X光檢驗後發現她鼻骨因撞擊導致爆裂，要轉介她尋求專科治療。
被朋友取笑乘機整容
Regen昨日接受完專科醫生檢查後，稱醫生建議她要暫時停工休息：「佢話要觀察吓，睇吓個鼻有冇消腫，一星期後再覆診，個鼻仲有啲痛。」她又透露若康復進度未如理想則可能要做手術：「係小手術，要先麻醉再戴鼻箍。」她笑言被身邊朋友建議乘機整容：「我本身已經唔靚o架啦，面本身歪，佢哋仲叫我趁機會整靚啲。」問她可會向的士司機作法律追究？她說：「唔會啦，司機都好慘，成架車撞爛晒，我自己有買保險，所以事後都報警備咗案。」
文：音樂組
|
鍾意就快D Share啦！
|
|
|