全城熱爆的娛樂八封新聞 & 時事趣聞 & 生活 + 趣聞
太子爺親自幫手包外賣，仲同偉仔好好傾。
梁朝偉鍾意靜唔多嘢講，但老婆劉嘉玲就係社交高手，兩公婆性格一南一北，不過咁，有陣時，啞嘅都會開聲。
星期日（五月二十四日）五點，偉仔一個人揸車去咗上環尚興買外賣。架車停正响門口，偉仔其實可以返上車坐，但佢選擇企响鋪頭等，其間洗碗阿嬸、落單阿姐出出入入，偉仔 PR上身，個個打招呼，仲主動同啲阿姐吹水。影帝係熟客，太子爺親自招呼，三大盒外賣，包括一盒潮州凍魚，仲有鵝片之類。尚興埋單千千聲，偉仔簽咭找數，之後就開車走人。又係喎！早兩日（二十二日）先同嘉玲飲完 B哥餐喜酒，應酬咗一晚，冇乜嘢，都係喺屋企搞掂好。
見到阿姐攞住兜餸，偉仔主動埋去八卦。
成個影帝企响度，有食客望到呆咗！
尚興價錢有番咁上下，三大盒外賣，其中一盒係魚（紅圈），偉仔碌咭埋單。
出名怕人多，不過老友阿 B香港擺酒，上次峇里甩底嘅偉仔俾面拖住嘉玲去飲。
