陳茵媺重裝防新沙士 [忽然1周 - 1037] 茵媺,新沙士,MW,陳茵媺

上到車之後，陳茵媺冇將個袋擺上 baby seat，只係攝喺兩個位中間，架車仲有盒大紙巾，佢真係好注重衞生呀！

媽咪姐

陳茵媺重裝防新沙士

周三（ 10日）喺青衣出現疑似「新沙士」患者，香港咁細，咪話唔驚呀！媽咪姐呢日喺中環遇到陳茵媺，睇佢一身重裝備：畫家帽、長袖衫、頸巾，最緊要係個口罩，由眼肚笠到去下巴，包住超過 3分 2塊面，唔係平時同佢有兩句，媽咪姐都未必認得佢呀！

雖然氣溫 30度都包成咁，睇落有啲誇。但陳茵媺話晒係兩子之母，老公陳豪拍緊劇，唔係日日返到屋企，得陳茵媺一個照顧兩隻 B，防疫功夫做足啲，都係為家人着想， 100分呀！

陳茵媺去完中環，搵司機嚟接。生完只有 3個月嘅佢，側面睇已經修咗身。

今年 2月，細仔 Nathan Lucas出世，陳豪日日去醫院陪陳茵媺。依家老公拍緊劇，就靠茵媺睇住頭家喇。

喺青衣機鐵站內嘅醫療中心，驚現疑似「新沙士」患者，搞到封診所消毒，好恐怖呀！

鍾意就快D Share啦！

下一篇 》