全城熱爆的娛樂八封新聞 & 時事趣聞 & 生活 + 趣聞
童話故事娛樂圈太黑暗喇！為咗喺呢個大染缸加番一點天真，本欄以童話故事形式講述娛圈事。
好耐好耐之前……有一個何傲兒，佢嘅夢想係成為一名出色嘅藝人。
為咗入娛樂圈，佢竟然大膽到入亞視（ 2006年）做主持，差啲永不超生。
皇天不負有心人，為咗上位，棄亞洲電視於不顧，過檔大台選港姐，雖然三甲不入，但係叫做入咗行。
喺大台拍膠劇，載浮載沉，仲要扮醜，傲兒心諗有冇搞 X錯。
遇上年紀雖大但係情深如海而且一袋係錢嘅雪姑七友一個小矮人，傲兒 BB以為自己終於搵到真愛。
古語有云，情義兩難全，遇到情深小矮人，又撞見年輕力壯大隻王子（周子揚），應該揀邊個？喺揀與唔揀之間，小矮人為咗傲兒，哭成淚人。
傲兒公主終於都同王子快快樂樂咁喺埋一齊，仲夜會 22小時。不過咁唔代表佢同小矮人就咁玩完，因為佢同小矮人統領嘅娛樂大國簽咗約，搞咗場婚禮一樣嘅簽約儀式，將呢段悲壯嘅爺孫戀繼續甜蜜地延續落去。傲兒公主事業又得，王子又得，小矮人又得，一家大細快樂咁生活落去，可喜可賀。
