黎明擬解散唱片部 JW解約𢱑撈自救 [忽然1周 - 1037] JW,黎明,MW,

JW周日（ 7日）到荔枝角「 FFF」獻唱，很久沒公開表演的她興奮到早一星期已經喺 Instagram預告。

娛樂喧

黎明擬解散唱片部　 JW解約𢱑撈自救

04年黎明泊埋林建岳碼頭成立 A Music後，成功捧出衞蘭，但有頭威無尾陣，旗下歌手如楊千嬅陳小春等都不歡而散，最終連衞蘭也於今年初約滿劈炮。

走剩的 JW（ Joey Wong）原本以為能升呢做一姐。可惜黎明原來打算將唱片公司轉做製作公司，唱片部員工不是被調就被炒，唱片部名存實亡， JW局住提早 5年解約。回復自由身的她，惟有密密放風向外𢱑撈，希望繼續歌手夢。

其他影片：>>Janice Man劈腿？

我一個頂晒！（設計對白）

10年加盟 A Music的 JW曾是黎明力捧的女新人， 12年才正式加入樂壇果然不負眾望，唱功獲一致好評，但無奈五年來只推出過兩張唱片。

主動提出解約

今年二月 JW出席活動時，曾預告去年底已錄好的新歌將會派台，並稱與公司的合作關係會維持下去。但四月突傳出她主動解約，據知原因是黎明的唱片部已停止運作。「今年初衞蘭約滿離巢時，唱片公司就得番 JW一個。公司高層曾對她說，會將所有資源投放到她身上， Leon亦承諾會為她全力谷唱片。點知話口未完 Leon就飛咗去巴黎拍戲，其間唱片部的員工紛紛離職，連原本由 Leon推薦入公司的 JW助手都走埋。 JW試過幾次喊住同我哋訴苦，話公司幫佢推 job多過接 job，有些工作明明已經報好價錢都推！最後佢先發現原來 Leon無意再幫佢出碟，所以咪主動提出解約。 Leon竟然一口答應，留都無留過。」知情者透露。

回復自由身嘅 JW最近頻頻被拍到孖朋友夜蒲，又搵玩音樂嘅朋友 jam歌拍片自我宣傳。據知熱愛唱歌的她主動為自己鋪橋搭路，就算無錢嘅活動，好似首映佢都唔放過，目的想 keep住人氣。

賣衫當宣傳

出身富貴的 JW，上周末出席好友 Ceci搞的「週末衣櫥」二手攤檔，販賣自己的二手歌衫。

Post片保人氣

回復自由身嘅 JW，在網上自 post唱歌片段， keep住人氣。

轉投細公司

JW四圍搵朋友搭路物色新公司。「佢入娛樂圈日子尚淺，透過朋友識咗幾間公司老闆，包括拍過《台北夜蒲團團轉》的 Banana公司，佢主動提出想在音樂同電影雙線發展，仲傾到七七八八。」知情者說。

上周日， JW到荔枝角出席「賣二手衫」活動。被問到提早主動解約， JW表示︰「提早幾耐我唔係好記得，我係想出去闖下。（據知 Leon唔再搞唱片部？）呢個……我又唔知佢係咪唔再搞唱片部，我都有問過 Joe（經理人陳善之）。我希望簽一間細公司，可以專注喺自己度！」

男友撐場

賣二手衫當日， JW圈外男友阿 Mark亦有到攤位，為 JW執頭執尾。

黎明左右手、 JW前經理人陳善之（圖）話，與 JW是和平解約。 A Music的 CEO王凱文則堅稱唱片部冇解散，仍有黎明及李治廷等歌星，但認有員工調動。不過黎明已經有 5年冇出碟，李治廷亦專注拍劇。

人人寸黎明

唔少曾經簽俾黎明的藝人，對黎明都有意見。部分如 Janice Man、楊千嬅離巢後，事業更加好。

09年約滿黎明的楊千嬅，去年尾在音樂特輯講到黎明，仍然忍唔住話：「際遇我控制唔到！」暗寸跟錯黎明兩年。

愈捧愈霉

黎明旗下的 A Music，因為提供的工作量不多，令到旗下藝人叫苦連天，大部分愈做愈霉，個個約滿即刻雞飛狗走。

應昌佑

應昌佑 02年唱電影《大城小事》插曲後走紅，之後簽約 A Music十年，可惜發展一直麻麻。 2012年，應昌佑搞到要兼職做 sales賣水貨養家。

衞蘭

衞蘭是 A Music首位正式簽約的歌手， 04年被安排翻唱黎明的金曲成名。可惜衞蘭身形亦隨人氣而暴脹，黎明下令她不減肥不為她開演唱會。

王歌慧

16歲被黎明睇中，簽約後即推出單曲〈大話精〉，但之後便再冇工作。捱足 8年，到 2012年她才有機會簽港視連拍三劇， Emily曾在訪問暗寸黎明：「 Leon對我好好，不過冇嘢俾我做啫！」

鍾意就快D Share啦！

下一篇 》