全城熱爆的娛樂八封新聞 & 時事趣聞 & 生活 + 趣聞
畢安一家八口由洛杉磯先飛去巴黎，加埋保鑣、保母，一行十人聲勢浩蕩。
甚麼富二代、大明星好多時都係過住啲離地生活，不過往往有例外嘅。
上周六（ 6日），安祖蓮娜同畢彼特一家八口由洛杉磯飛到巴黎，再轉乘內陸機去尼斯。貴為大明星嘅佢哋冇乜架子，喺去尼斯嗰程都只係搭經濟艙啫，夠晒平民。持平咁講啦，好多內陸機未必設有頭等或者商務客位，不過畢安冇包私人飛機，全程只得一個保鑣同保母跟身，行李仲要自己拎埋，肯咁「貼地」做人，都幾難得㗎！
由巴黎飛往尼斯一程，安祖蓮娜先帶 3個囡囡就座。
三仔爺則搬手提包上行李艙。
啱啱度過 40歲生日嘅安祖蓮娜，落機後自行拎行李。
畢佬搬完行李，再開埋車門等仔女上車，簡直係好爸爸嘅典範。
