全城熱爆的娛樂八封新聞 & 時事趣聞 & 生活 + 趣聞
細粒的骰比高頭大馬，更似𡃁妹仔。只得 5呎 1嘅麗絲（左）可以話係「贏在起跑線」，加上一身青春打扮，真係呃到吓人。
媽咪姐真心覺得，「美魔女」一字已經氾濫。望落細過實際年齡係「美魔女」， selfie充滿青春氣息嘅又叫「美魔女」，老老實實，夠唔夠膽企喺名副其實嘅美少女隔籬「隻揪隻」先？
15歲 Ava（左）面長長，髮型、笑容又跟阿媽差唔多，直頭係後生版嘅麗絲。
日前， 39歲嘅麗絲韋花絲潘帶埋 15歲女 Ava出街食晏。不過媽咪姐望嚟望去，都分唔清邊個打邊個？戴埋老花眼鏡先分得出咋！鬼咩，麗絲同阿女個樣倒模咁，身形又一樣迷你，唔使點扮都似𡃁妹啦，加上佢着住條咁短嘅花裙仔，似姊妹多過似母女。
兩年前， Ava已經長得亭亭玉立，佢仲肩負好家姐嘅責任，幫阿媽抱住當時只有歲幾嘅細佬。
