網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月12日 星期五

拒拍劇即入雪櫃 胡鴻鈞出碟無期 [忽然1周 - 1037]胡鴻鈞,MW,



胡鴻鈞 2012年簽約星煥,頭兩年係威係勢,兩年出兩專輯。前年翻唱何韻詩的〈化蝶〉爆紅,攞獎攞到手軟!

娛樂喧

拒拍劇即入雪櫃 胡鴻鈞出碟無期

大台旗下藝員相繼離巢,花旦小生走完一個又一個,就連二線藝員亦青黃不接。冇人用,惟有動用附屬的「星夢娛樂」的歌手拍劇。

星夢旗下歌手無論舊將吳若希,或是新加盟的何雁詩亦不能幸免。不過日夜顛倒的拍劇生活並非人人接受到。本刊收到消息,由星煥過檔星夢的胡鴻鈞,早前拍畢台慶劇《殭》後,唔想再淪為大茄,希望專注發展音樂,遂向大台提出拒絕拍劇,點知隨即被雪。現時其所有工作已被煞停,就連年底出碟的計劃亦被擱置。

已榮升星夢一姐的吳若希(左),去年開始接劇,拍了 4套,現正趕拍《實習天使》。至於巨聲幫的林師傑與何雁詩,近年亦被安排入劇組,林拍過《愛•回家》及主持《勁歌》,何日前更連接《殭》及《愛情食物鏈》兩劇。

現年 25歲的胡鴻鈞( Hubert), 5年前參加《超級巨聲 2》獲得亞軍,成為大台合約男藝員。同年他參與《全球華人新秀歌唱大賽》摘下冠軍, 12年正式加盟星煥即被力捧,首兩年都有推出新專輯。

由力捧變大茄

去年胡鴻鈞跟隨老闆何哲圖( Herman)過檔星夢娛樂後,公司轉為力捧吳若希及 Herman老婆余詠珊愛將鄭俊弘。資源分薄下,胡鴻鈞近年都未見有新碟出。知情人士指:「 Hubert簽星煥傾約時表明向歌手方向發展,仲要年年有碟出。佢諗住跟 Herman過檔,都係同一個老闆,應該冇咩分別啫。點知佢等咗年半都冇碟出,依家仲要做埋演員同主持,工作唔同晒。」

大台鬧藝員荒,旗下的附屬唱片公司「星夢」亦要幫手救亡,歌手相繼為大台拍劇及主持節目。當中 Herman愛將吳若希劇接劇,主題曲、插曲唱完一首又一首,就連新加盟的何雁詩都要接劇。而胡鴻鈞繼去年《衝線》後,早前再被安排參演台慶劇《殭》。大台拍劇出名日夜顛倒,令胡鴻鈞甚為反感。據知上月尾拍畢《殭》,他膽粗粗向公司提出拒絕再拍劇。

「對 Hubert嚟講拍劇只係玩票性質。之前嗰幾年佢都只係客串過一集咁多。上年拍《衝線》做大茄冇對白唔使點捱,依家拍《殭》做配角有對白,要捱更抵夜,公司先至肯放聲氣話年底幫佢出碟。佢覺得自己好似要用拍劇嚟換出碟。前排佢同公司傾呢個問題,話想專注做番音樂。不過唔聽話嘅小朋友又點會有糖食吖。依家上面落晒柯打,暫時唔俾嘢佢做,《勁歌》主持冇得撈外,仲將佢出碟嘅計劃押後!佢依家啲 job都係之前接落咋!」知情人說。

今年 4月,大台台慶劇《殭》開鏡拜神,飾演大茄的胡鴻鈞亦有出席,企後排的他明顯悶悶不樂,唧都唔願笑。

新劇做阿仔

劇中胡鴻鈞飾演關禮傑之子, 53歲的關禮傑 keep得好,拍埋胡鴻鈞度,似兄弟多過似父子。

有離心辣㷫公司

冰封三尺非一日之寒,星夢將胡鴻鈞放入「雪櫃」,亦與去年盛傳許廷鏗帶胡鴻鈞一齊過檔太陽娛樂有關。知情人士又指:「上年 Alfred(許廷鏗)想拉埋 Hubert過檔,不過最後唔成事。 Alfred唔做歌星都有得做牙醫,佢又受歡迎,公司點會放佢走吖。傾掂數唔夠半年,佢即刻有碟出。但 Hubert本身已有離心,依家又話唔拍劇,公司決定雪一雪佢,等佢自己開竅囉!」

本周二( 9日),記者致電胡鴻鈞,對於拒拍劇被雪一事,他只說:「我唔方便回應。」至於星夢老闆 Herman聽到本刊記者問及有關提問,即以事忙為由表示稍後回覆,惟截稿前仍未獲其回電。

當年胡鴻鈞加盟星煥受力捧,簽約儀式上有老闆 Herman傍住,大台高層樂易玲亦現身支持。

唱主題曲

前年胡鴻鈞乖乖拍劇做大茄,大台即安排他唱了 11首劇集主題曲及插曲。

雪前最後一騷

上月胡鴻鈞未向公司提出拒拍劇要求,仍有份與鄭俊弘、何雁詩、吳若希同場為《顧嘉煇榮休盛典演唱會》演出。

星夢娛樂旗下藝人主要以「巨聲幫」及「星夢幫」為主,當中包括(左起)胡鴻鈞、許廷鏗、吳若希、鄭俊弘及林師傑。

進化 4.0

胡鴻鈞五年前參加《超級巨聲 2》獲銀獎入行,當時其腮骨起角,被笑稱「方形麵包」。不過自 2012年加盟星煥後,隨即變成「刀削面」,甚至有網民指他「削骨還父」及「胡鴻鈞 4.0」。

事後有傳胡鴻鈞簽約星煥時,公司即提出資助他到韓國免費變靚啲。

方包面

刀削面

鍾意就快D Share啦!