真面目
斷水喉 被追債 40萬 養唔掂戴夢夢 太極 Ricky𦧲正印氹
專吼大叔做男友的 30歲戴夢夢，同 49歲太極鼓手朱翰博（ Ricky）搭上，即使男方未正式離婚，依然明目張膽拖手激咀，甚至當街四度剝裙，引 Ricky爆房。
忘年戀夠刺激，不過一向收入唔多的 Ricky，同有米老婆 Anne攤牌後即被關水喉，除了唔再揼水支持 Ricky間音樂學校，亦打算收回當年所贈的跑車，本刊更發現 Ricky被追債 40萬！
據知衣食住行都要靠老婆的 Ricky，近日積極𦧲復合博有人填氹，夢夢分分鐘人財兩失！
一向唔有米唔黐的戴夢夢，最新目標係 49歲太極鼓手朱翰博（ Ricky）。雖然男方同正印結婚 27年兼育有 1個兒子，但夢夢一於少理照黐埋去，更不顧身份當街除裙冧仔，表現相當進取！
樣樣靠老婆
夢夢主動送上門，年近 50的 Ricky自然好受落，寧願拋妻棄子都要同細自己 19年的夢夢一齊，兩人連日來高調拍拖，十足熱戀男女見少陣都唔得。
Ricky住半山干德道，出入揸波子，不過只係表面風光，實則全部靠做投資銀行高層的老婆 Anne Song，先有得住豪宅揸靚車，連 Ricky早年開辦的音樂學校 Ricky Music Factory，亦係 Anne打本。本刊發現 Ricky的音樂學校曾牽涉多宗錢債糾紛，除了曾被兩名員工追討欠薪外，亦於 13年被一名陸姓人士入稟追 40萬，似乎冇老婆咁擅於理財！
正印 fb公布「戀愛中」
周身數又冇乜收入，自知養唔掂自己更養唔起夢夢，據知 Ricky近日主動聯絡已分居的 Anne，希望離婚一事有彎轉；而且 Ricky態度明顯已收歛，日前出席范振鋒生日 P，大合照時冇同夢夢黐到實，盡量唔想刺激老婆神經。
Anne最初向傳媒爆料數臭兩人，更指名道姓鬧夢夢係第三者，「夢夢同我老公飲嘢，挨得好近，問佢同我老公係咪有嘢？戴夢夢發爛渣，我摑佢一巴，佢避開咗。點解啲人可以咁厚顏無恥？大家好嚟好去，唔鍾意啲人講大話！」
但近日 Anne忽然轉呔收口，唔再唱衰 Ricky。 27年婚姻感情深厚，加上 Ricky積極箍煲，令 Anne態度軟化，週日（ 21日）竟在 fb上公布自己「戀愛中」，又 po出同 Ricky的甜蜜舊照，唔通玩到咁寸都有彎轉？
Ricky箍得掂?
正印 Anne早前喪鬧老公偷嗒戴夢夢，仲話搵咗律師搞分居，但本刊發現 Anne突然將 fb status改為「戀愛中」，又 po了與老公的恩愛合照，唔通已經原諒咗 Ricky？
|
鍾意就快D Share啦！
|
|
|
