大 O即係學生會搞嘅迎新營，一向夠多人又可以識吓其他系嘅人，閒閒哋都有 4、 5百人參加。
U Spy
放火玩得喪 理大被青年營 black list
大學考完試，又係時候為新 O Camp做準備，早前就有同學一早去埋營地，預演營火會，結果有露營人士擔心火舌飄到帳篷引起火災，召消防員到場，又成功上報。
大學 O Camp搞到神憎鬼厭， Spy就八到向來係搞大學 O Camp熱門地之一嘅烏溪沙新青年營，因同學之前唔自律，搞到營地烏煙瘴氣，所以索性將幾間大學列入黑名單，唔比佢哋租用，據知其中一間就係理大學生會(大 O)，有今年搞手同 Spy講，「今年我哋好似往年咁入紙申請，年年都申請到，惟獨今年話我哋抽唔中，我哋後來問返先知因為以往有同學玩得太癲，又玩營火會兼深夜仲大叫口號，搞到附近居民狂投訴，聽講仲有好多間大學學會都係申請被拒。」
本來一個營拒絕，仲有好多選擇，但係每年大 O閒閒地都有 400、 500人參加，可以容納咁多人嘅營地就真係一隻手數得晒，理大學生會有排煩啦。
|
鍾意就快D Share啦！
|
|
|
