掃呢頁CODE去手機

2015年6月24日 星期三

陳凱琳為嘉穎瞞行蹤 父:唔知佢返咗嚟 凱琳,鄭嘉穎,嘉穎,陳凱琳,





其他影片:>>






本週日(六月二十一日)父親節,陳凱琳與鄭嘉穎拍拖返港,Grace未有回家交人陪老豆慶祝,反而直上男友位於大坑寓所再宿一宵。翌日陳父外出時,從記者口中得知女兒為了陪男友隱瞞歸期,返咗香港扮未返,陳父既不滿又無奈。

壹:記者 陳:陳凱琳老豆

壹:Grace冇陪你過父親節?

陳:冇呀!佢唔喺香港!

壹:佢尋晚冇返屋企瞓?

陳:未返嚟呀!

壹:但我哋影到佢落機!

陳:吓?落咗機?我都唔知喎!佢冇同我講幾時返嚟!佢係去做嘢啫。

壹:佢做完嘢stay咗幾日同鄭嘉穎玩。

陳:我唔知喎⋯…真係唔知!

壹:佢有冇打電話返嚟?

陳:冇呀!WhatsApp咋!

壹:冇話俾你知自己返咗香港?

陳:冇呀!未講!

壹:去咗鄭嘉穎屋企瞓喎?

陳:我唔知!

壹:你對鄭嘉穎印象點?

陳:我都未見過佢本人,又未同佢傾過偈,未交談過。

壹:Grace冇諗住帶佢返嚟見你?

陳:我唔知佢係咪同佢(鄭嘉穎)一齊。

壹:咁真係一齊,你滿唔滿意呢個男朋友?

陳:做朋友就冇問題嘅,又唔係講到結婚,邊有咁快吖!

壹:做男朋友就要考慮清楚?

陳:睇吓佢自己點諗啦,我都控制唔到咁多㗎喇!
鍾意就快D Share啦!