嘉穎揸450萬辣跑極速冧凱琳
自言與女神陳凱琳（Grace）「發展ing」的鄭嘉穎，為冧Grace傾盡全情，近日更豪擲逾450萬元，購入法拉利458 Speciale超級辣跑，由於辣跑起動由0至100公里只需三秒，難怪日前晚上嘉穎駕新車準備做「柴可夫」接載Grace時，他即時踩盡油絕塵而去，有辣跑護身，「穎琳戀」愛得更詭秘！而Grace受訪時冧爆謂嘉穎努力賺錢，買車獎勵自己也很正常！
藝人鄭嘉穎自被《好報》獨家踢爆因合作新劇《殭》，與港姐女神陳凱琳互生情愫，雖然嘉穎追女向來小心，但紙始終包不住他對Grace的熊熊愛火，「穎琳戀」逐漸浮面，嘉穎更一改死口唔認的作風，公開「跪求」外界給予兩人私人約會的空間，更不惜搬竇又買車！繼早前的黃金寶馬後，嘉穎原來仍未騷出其底牌！
踩油絕塵而去
為求與女神能更加穩定地發展，嘉穎秘密豪擲逾450萬買入火紅色法拉利458 Speciale辣跑，車速能在3秒內破100km/h，他更為愛車花心思，專程申請與跑車型號一樣的「458」字尾的車牌，務求襯到絕！
以公司名義登記購入辣跑的嘉穎，新車落地僅3個多月，即在與Grace金鐘歎西餐的翌日（本月4日）晚上十時多，於夜闌人靜下，嘉穎獨自揸着新辣跑由大坑寓所離開，出巡現身跑馬地，當記者準備上前拍照，心急會Grace的他一踩油，立即絕塵而去，連車尾燈都望不到，身為一代男神的他瀟灑過人，果然是「揮一揮衣袖，不帶走一片雲彩」！
「最緊要佢開心」
本報記者致電Grace，問是否已坐過嘉穎的新戰車？她說：「大部分男仔都鍾意車，我知佢買咗呢架車，佢咁努力賺錢，當買份禮物畀自己好正常，最緊要係佢開心！」問到覺得坐嘉穎新車感覺如何？她卻似有所避忌說：「我自己唔熟車，不過佢就好鍾意車，佢都好樂意載朋友！」會否問嘉穎借辣跑揸？她說：「我雖然有車牌，不過香港啲路我唔熟，所以應該唔會喇！」
3秒破100km/h
鄭嘉穎新購入的法拉利跑車大有來頭，引擎經過車廠改良後，可於3秒內直衝100km/h，適合講求速度的車迷！
型號：法拉利458 Speciale雙門雙座位跑車
價格：逾450萬港元
引擎：V8
容積：4497c.c.
最大馬力：605hp/9000rpm
賣點：3秒內衝破100km/h
文：專案組
攝：追蹤組
|
鍾意就快D Share啦！
|
|
|