方敏婷 Natalie
恒生管理學院英文系 Yr.3
見 Natalie白白淨，其實佢好喜歡陽光，平時會跑步曬吓，最近就愛上瑜伽！
U花 U草
愛心教南亞小學生 恒管索 Miss：個個都好怕醜
現就讀恒生管理學院英文系 Yr.3的方敏婷（ Natalie），做了兼職補習老師兩年多，專補初小學生。去年暑假，有社工朋友問她可否到社區中心替 20位南亞裔小學生補習，即使人工比私人補習低，工時較長， Natalie都答應，「好多南亞裔小朋友都好需要幫助，佢哋缺乏安全感，成日覺得自己比唔上本地小朋友，加上屋企經濟環境唔好，請唔起補習老師，雖然佢哋有返學上堂，但根本唔識好好同老師溝通，但又比本地學生好動，其實佢哋只係想引人注意，唔係全心搗蛋！」
21歲 Natalie最喜歡跟學生聊天，「記得上第一堂，佢哋個個都好怕醜，唔出聲，因為喺佢哋眼中好多老師都好惡，我會同佢哋打好關係，教佢哋功課之餘又會關心佢哋嘅宗教。有次有個學生冇嚟補習，原來佢去咗拜神就唔返學，拜祭重要過一切！之後我就問多啲關於佢哋宗教生活，結果班小朋友勁開心，覺得有人對佢哋嘅生活有興趣，之後上堂都專心咗，其實南亞裔學生好得意好可愛！」
|
鍾意就快D Share啦！
|
|
|