網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年6月17日 星期三

踏幾船 咬住人夫 Ricky唔放 戴夢夢 2次出軌 [FACE - 421] 夢夢,戴夢夢,MF,



上週一( 8日)戴夢夢同人夫 Ricky去咗中環 high tea,遇到記者影相,仍然一副行得正企得正姿態,點知過幾日 Ricky正印即發功。

真面目

踏幾船 咬住人夫 Ricky唔放 戴夢夢 2次出軌

6歲已經入行,由童星做到歌星,再由歌星轉做幕後,今年 30歲嘅戴夢夢好襟撈。

上週戴夢夢忽然高調拖人夫,跟太極樂隊鼓手朱翰博( Ricky)在出名多狗仔隊出沒的中環置地歎茶,擺明想戀情曝光,可惜卻換來全世界圍攻。 Ricky正印太太 Anne指戴夢夢的出現是二人分居的導火線,更指曾經掌摑夢夢兩次。

其實早在 09年戴夢夢與陳果齊兒子陳定幫拍拖, 12年本來已經訂好酒席準備結婚,可惜臨門陳定幫對未婚妻 2次偷食忍無可忍,最終決定將婚宴變齋宴。偷食完再做小三,今次戴夢夢算唔算玩大咗?

上週驚爆 30歲戴夢夢與 49歲的太極鼓手朱翰博( Ricky)拍拖,可惜夢夢揀着位人夫又被人影到周街除裙。 Ricky被指靠老婆,又有指夢夢專做第三者拆散別人家庭,四方八面都係負評。其實夢夢在 12年已被指背未婚夫出軌偷食,最後仲換來結唔成婚的教訓。

夢夢表示二人只係開始拍拖冇幾耐,而拖手行為更係呢幾日至開始做。不過有傳媒早在置地拖手前已拍得兩人激咀,夢夢甚至當街除裙露底囉!

老婆 Anne傷心離港

與 Ricky結婚 27年嘅正印 Anne,對於 Ricky未搞好關係就公然拖夢夢出巡呢件事嬲到震, Anne近日更傷心離港冇眼睇!網上圖片

叫得林建名做契爺,梗係契爺出親嚟都要喺身邊傍住㗎不過契爺都話夢夢當街除裙唔係咁好囉!《蘋果日報》圖片

偷食擺上網

11年陳定幫向戴夢夢求婚成功,即安排 12年 10月於澳門迎娶夢夢,可惜同期有傳夢夢多次以工作為由飛到北京,更與一位有翻版林峯之稱的國內主持兼演員魏巍頻頻接觸,期間更多次將二人合照放上微博,未婚夫陳定幫好快覺唔妥。

其實夢夢好易與人撻着,在夢夢還是歌手期間,已經試過與 MV對手、楊盼盼的武打奀星徒弟 German搞曖昧,當年亦被陳定幫發現二人的情慾短訊,口甜舌滑的夢夢兜得一次兜唔到第二次,陳定幫終於忍唔住狠飛夢夢。

09年夢夢和 MV對手 German合作拍〈一走了之〉時撻着,二人的情慾短訊亦被夢夢當時的男友陳定幫發現。網上圖片

12年期間,夢夢多次以工幹為由上大陸,但就多次 po出與國內演員魏巍嘅合照。網上圖片

有翻版林峯之稱嘅魏巍與夢夢斬纜後亦火速結識圈外女友,去年二人在微博公布已領結婚證。網上圖片

「唔可以阻佢識異性!」

連日夢夢和 Ricky的新聞不斷,初時夢夢以「由始至終我都相信他」作回應,後來新聞越炒越熱,二人決定封嘴,不過其好友、電台主持 Kawaii更指夢夢拜金到極,當年與陳定幫傾婚事時有樓唔要,卻要未婚夫俾 100萬現金。

如今陳定幫和翻版林峯魏巍都已經結婚,陳定幫更已育有 1歲囡囡。對於夢夢今次做第三者,陳定幫表示:「我祝阿夢搵到愛佢嘅人,希望大家都放過佢。」至於夢夢曾背他偷食,陳定幫大方說:「男女拍拖講信任,唔可以杜絕阻止佢識異性,件事過咗咁耐,無謂提。」

當年陳定幫同夢夢人前人後都表現恩愛,邊個諗到外表清純嘅夢夢原來有鋪偷食兼做第三者癮至得㗎!《蘋果日報》圖片

同夢夢甩拖冇耐,陳定幫已經識到新女友 Bee,二人仲話咁快結埋婚,已經有一個囡囡喇!《蘋果日報》圖片

Yumi爆夢夢:佢鍾意就要得到

戴夢夢曾經做過 Yumi(尹蓁晞)經理人,不過 Yumi就話無當過佢係。「有次去美國登台,佢(夢夢)話我甩底,其實我係有去到,因為我自己本身有經理人,我冇當過佢係我經理人,佢未夠資格。」

曾經共事過,總睇得出夢夢性格。「知道佢以前男朋友對佢好好,幾恩愛。佢比較圓滑,鍾意 social,可能對每一個男仔都會好 nice咁囉。佢個人都幾識照顧男仔,同埋佢好強勢,佢鍾意嗰樣嘢就要得到。」

戴夢夢由歌手轉做經理人,旗下曾經有 Yumi同埋趙碩之。

由於 Yumi由始至終都無當夢夢係佢經理人,所以合作過一次之後, Yumi直頭唔簽大名娛樂。

鍾意就快D Share啦!