2015年6月6日星期六

「人妻」何傲兒再披婚紗承認夜會精壯男何傲兒,

【唔可以嗌「BB」】「人妻」何傲兒再披婚紗承認夜會精壯男

2015-06-06 17:58:00

何傲兒指同周子揚冇空間發展。

講完娘家——大台無綫，又講下「老公」林建名吖！今日換咗8套婚紗喺會展行婚紗騷嘅何傲兒笑笑口話:「笑話嚟嘅，得啖笑，係關注我嘅人搞嘅gag。我係嫁咗佢間公司，我的名字，大名姓氏。」嘩……

但就連維基都一度被改為何傲兒同林建名結婚，傲兒BB就話:「如果下次再係咁，我就親自上去改!」不過似乎真係好多人想你同大少(林建名)結婚喎，傲兒BB就話:「應該唔會啩……佢係我公司老闆，我同佢只係工作上修成正果。」

但係呢，有報道話你呢個「人妻」背住「老公」偷會精壯熱血男兼舊愛周子揚，密會22小時，男方仲做埋柴可夫。傲兒就解釋:「佢(周子揚)係我舊同事，依家係朋友，發展空間無咩可能。」

咁密會22小時單嘢，傲兒扮傻話:「我都係出騷前先收到呢個消息，我哋成日都係一班朋友唱K打麻雀，我爸爸都知道嘅。同埋佢都車我，冇秘密。」又謂:「爸爸對呢件事冇反應，佢知唔係得我一個。」咁點解周子揚會車你？佢話:「因為順路。而且爸爸冇揸車，

坐的士又好貴。」但有乜嘢證據係同成班朋友一齊先？傲兒BB都係呢句:「爸爸知道，同埋我哋多common friend同同學。」

好喇好喇，呀「人妻」，究竟周子揚係咪想追番你？點知佢話:「

我哋係好朋友，唔會有咩尷尬。」唔係呀，依家係問，周生係咪追番你呀？傲兒就話:「應該唔會，你哋問番佢啦!」又否認公司有施壓。