日前爆出歐陽震華竟然不獲大台續約，仲有傳藝員部人士同歐陽震華講咗句：「有啱先搵你。」大台戲劇製作總監曾勵珍就澄清呢個唔係公司意思，好似暗指係當日有份傾約嘅另一高層樂易玲嘅意旨。
樂小姐今日出席活動時否認唔同歐陽震華續約，只係Bobby情況較特別，因為佢之前身體有問題，所以要改改合作形式。
至於係咪有人同Bobby講過：「有啱先搵你。」呢句話，樂小姐就話係對方接收有誤解啫，自己都阻止唔到。而最終續約與否，佢都係將個波推返俾珍姐：「珍姐一定要同Bobby溝通，去傾跟住點樣做，傾好晒喇，我哋藝員部就會準備合約佢簽囉。」乜之前唔係你傾約嘅咩，依家又叫珍姐去傾，大台作風，真係令人勾晒頭。
