唔再港女 杜如風洗底成功 [忽然1周 - 1041] 杜如風,MW,

杜如風冇再強調自己走在潮流尖端，見到啲衫，話自己太肥，唔知着起好唔好睇？仲問自己係咪應該要減肥？

媽咪姐

唔再港女　杜如風洗底成功

杜如風半年前去首爾拍旅遊節目，俾網民鬧爆係「世界級港女」。喺啱啱播出嘅新節目，佢返到主場日本拍《東京攻略》，又唔係咁癲喪喎！佢同媽咪姐講，吸收咗上次意見，加上無綫叫導演睇實佢，「唔好俾我咁癲，好似搵條繩綁住我。」所以呢次收斂咗囉。

其他影片：>>獨家　杜如風《東京攻略》收斂唔再港女

媽咪姐都有睇節目，見佢自嘲好肥，又話自己係大嬸，真係估佢唔到！話晒佢之前發表過「港女級」買鞋論，自爆屋企有過千對鞋，而今次睇佢介紹嘢時都仲係好想買，但拎完嚟睇，見對對都幾千蚊，佢都會特別加句：「為咗我同我老竇着想」，然後放低。雖然佢最後都忍唔住買咗一對布鞋，埋單六百幾，計落真係唔算過分喎！

杜如風唔再喺節目讚自己靚，話晒佢今年 40歲，呢排又肥咗咁多，嗌自己做大嬸又啱 feel喎！

網友大讚

上一次拍旅遊節目《流行首爾》，杜如風因一句屋企有 1千對鞋，俾人話係「世界級港女」。

杜如風之前俾網友數「趕客三宗罪」，話佢講嘢冇 tone、裝扮騎呢同港女格。

鍾意就快D Share啦！

下一篇 》