熱爆娛樂: 小鮮肉殺入寫真界　超蓮娜姐前度　騷肌教 keep fit [忽然1周

2015年7月10日星期五

踏入 7月，寫真戰士鬥到你死我活，先有𡃁模放少少相出嚟騷 quali，再出埋口術互插。以為今年只得女模騷胸露臀？其實仲有幾個城中小鮮肉靜靜起革命，出書教人 keep fit。

寫真《 G.Y.M.動起來》共 120頁，定價$120，首版印 8千本殺入書展。吖，唔知今次最愛集郵嘅劉公子會唔會掃貨呢？

4位男模合作推出寫真《 G.Y.M.動起來》！咪諗多，佢哋話呢本書係示範做 gym嘅簡易動作，同時又分享瘦身餐單。睇真啲，其中兩個男模，分別係何超蓮同周秀娜嘅前度呀。咦！唔知佢哋會唔會送番本處男寫真俾前女友呢？

陳偉成（ Avis） 33歲

周秀娜前男友陳偉成，食女無數，仲試過背娜姐偷嗒𡃁模。不過開設健身室嘅佢，教 keep fit又的確有板有眼，佢話︰「大家跟住做，男女都可以輕鬆練出腹肌同人魚線。」

姚淇瀚（ Henry） 22歲

寫真中除咗 3個港產男模，仲有一個強國俊男。來自北京嘅姚淇瀚，係中國當紅嘅模特兒。佢擁有 186cm身高、 38吋胸肌，加上兩邊迷人酒凹，成功突圍而出。

鍾志峯（ Wilson） 26歲

當年 A&F男模迷倒唔少女仔，而鍾志峯正係 5個香港代表嘅其中之一。喺英國大學畢業嘅佢，操得一身腹肌、人魚線殺入模界，拍過唔少大牌廣告。

黃俊豪（ Jeremy） 25歲

有港版山下智久之稱嘅黃俊豪， 09年曾經係何家千金何超蓮男友，兩個拍拖年幾後分手。年前， Jeremy簽約為鄭紹康旗下藝人，憑 183cm身高、 39吋胸肌，殺入模界，愈撈愈掂。

寫真中有唔少操 fit貼士，仲有真人示範。不過，好高難度啫。

鍾意就快D Share啦！