全城熱爆的娛樂八封新聞 & 時事趣聞 & 生活 + 趣聞
蚊蚊真係好鍾意小動物，見到朋友隻狗都攬住唔放，又話係佢新朋友。
前排冇咗 6隻愛貓，萬綺雯仲要拍喜劇冇得休息，真係幾難過吓。媽咪姐之前聽佢老公陳十三講，愛貓走咗就好似親人走咗，蚊蚊情緒麻麻哋，要放吓假先。果然講完即做，趁住同無綫未傾掂續約，上個月中，蚊蚊就同大姐明去法國尼斯度假，日日只係食同 hea，放鬆心情。
蚊蚊返到嚟就約班寵物 friend見面，佢見到人哋隻狗好開心，又攬又錫，仲話係自己新朋友㖭。睇嚟短時間失去幾隻貓貓嘅佢，為免睹物思貓，轉咗只同狗狗玩。都好嘅，品種唔同，見到都冇咁難過吖。
一個人坐喺西貢碼頭，蚊蚊個樣有啲 sad，好彩仲有狗狗陪佢。
話晒對腿有 42吋長，蚊蚊去旅行都要晒一晒，正呀！
「貓痴」蚊蚊養咗好多貓，但上年先後有 6隻離開咗佢，唔傷心就假，唔少網友都留言安慰佢。
