玩完鬆 散玩 9個月 馬明狠撇上海𡃁模 [FACE - 425] 馬明,𡃁模,MF,馬國明

分手電話　性格不合

今年 1月底，仍在蜜運中嘅徐佳琦經常電話不離手，似乎係 check緊馬明行蹤；誰知 5月即收到馬明的分手電話！

真面目

玩完鬆　散玩 9個月　馬明狠撇上海𡃁模

自從陳豪被陳茵私有化後，男神馬國明就成功接棒變荀盤。不過去年 8月，馬明被踢爆與來自上海的模徐佳琦（ Jackie）撻着後，本地筍盤再度缺貨。

有指 Jackie性格溫馴兼慳家，不過 27歲的 Jackie始終和 41歲的馬明有代溝。散玩 9個月，新鮮感過期，加上馬明又受不住 Jackie的細路女性格，終以性格不合為由提出分手。

愛情重傷的徐佳琦，留港工作又未見有突破，本屬寰宇旗下的她，據知最近亦已離開傷心地返回上海老家，離馬明有咁遠得咁遠。

去年 8月開始拍拖，估唔到只維持到 9個月，馬明就以性格不合提出分手。

徐佳琦其實喺香港工作唔多，喺街見到自己嘅硬照廣告梗係即刻影低。網上圖片

狠心電話都唔聽

雖然徐佳琦去年 8月奪得筍盤，不過馬明拍拖向來低調兼小心，據知馬明和 Jackie拍拖期間，二人見面次數不到 10次， Jackie想約馬明出街，多被對方以冇時間為由推卻；而且拍拖多月馬明都未有帶過 Jackie返太古城寓所見家長。在今年 5月，馬明在電話中向 Jackie提出分手，之後更未有再接 Jackie電話。

據知喊到死去活來的 Jackie，煲箍唔成，把心一橫獨個兒到日、韓旅遊散心，又剪短頭髮重新做人；上月更退租香港的小單位，搬返上海老家，如香港有工作時再回來暫住朋友家。

13/5被飛孤單遊

馬明提出分手後，徐佳琦箍煲無望，惟有出走散吓心。網上圖片

2/7落髮療傷

情傷令徐佳琦把心一橫剪掉長髮，仲不時喺微博訴心事。網上圖片

「一直都係朋友」

而無女一身輕的馬明，與 Jackie提出分手後即與鄭裕玲（ Do姐）飛往英國拍旅遊節目。對於與 Jackie拍拖 9個月即飛一事，週一（ 13日）馬明先以：「唔係事實啲嘢唔回應喇！」回覆本刊，之後記者再追問與 Jackie現時關係時，馬明再補充：「一直都係朋友！」。即係女方自作多情？馬明解釋吓好喎！

單身馬明好 enjoy

馬明早前拍住阮兆祥拍新劇《為食神探》，緊接同 Do姐去英國拍旅遊節目，剛提出與徐佳琦分手，笑唔出都正常嘅！網上圖片

馬明喺圈中最 friend嘅鄭嘉穎都成功同相差 22年嘅陳凱琳撻着，其實父女戀不是問題喎！

無女一身輕，上週馬明復出球壇，與明星足球隊等人開波。網上圖片

「天然呆」食到女

稱得上筍盤梗多人吼住，雖然馬明唔係行靚仔路線，不過憑住佢嘅「天然呆」，年中都殺死唔少女！所以話，靚仔唔一定好嘅！

曾華倩

05年與曾華倩傳出姐弟戀，雖然兩人死口唔認，但戀情已是圈中公開秘密，可惜戀情只維持 2年便告分手。

胡定欣

08年因《舞動奇跡 2》而撻着，不過有指胡小姐經常大小姐上身令馬明頂唔順，又係 2年貨仔玩完。

陳開心

11年與馬明拍內地電影《緣來是遊戲》時，被指狂放電主動追求馬明，但戀情隨住電影拍完而結束；而陳開心亦於去年墮樓身亡。

朱千雪

去年和馬明拍《流氓皇帝》時開始傳緋聞，馬明被拍到做柴可夫親送朱千雪母女返屋企兼見家長，同期徐佳琦出現宣示主權。

鍾意就快D Share啦！

下一篇 》