據知珍姐、樂小姐同余詠珊喺早前例會中，三人一致提出從今以後禁止藝人上載戲服相上網，名義上為保護劇情免過早曝光，其實係眼見壹傳媒旗下刊物經常上去攞相，慌死益人囉！設計圖片
真面目
大台霸權 推自家 app慌死益人 TVB禁藝人 po戲服相上網
方丈真係好小氣㗎！大台先封殺壹傳媒，最近連自己人都要禁！出招禁止旗下藝人將戲服相上載上網，仲話所有戲服相版權都係大台持有，搞到一班平時鍾意同網民開心「些牙」的藝人敢怒不敢言
大台今次名義上就話為免劇情曝光，其實係大台將計劃推出自家 app，內容以維穩為大前提，每當出現負面新聞時就動用自家手法重新包裝，所有負面嘢「正面化」，好有國家風味呀！
唔少藝人都有「晒相」癮，得閒影張相 po上網開心「些牙」，但最近大台三大揸弗人曾勵珍、樂易玲同余詠珊在例會中提出禁止藝人再上載戲服相上網，名義上保護劇情為免曝光，其實又係驚死益人。
林子善不滿
好似《末代御醫》最近到番禺拍攝外景，當時監製張乾文就在旅遊巴上公開呼籲各藝員唔好自拍戲服相上網，仲話着咗戲服嘅相版權由大台全權持有，搞到林子善遇見粉絲要求合照都焗住要 say No！林子善嬲爆之下，之後接受《東張西望》訪問時，亦大呻公司唔俾影相嘅寃屈氣，不過呢啲大逆不道片段，當然要河蟹！
另一方面，大台亦計劃推出自家 app，以後每當出現負面新聞時，就會動用自己人進行採訪及包裝，將所有負面嘢統統抹走。
本刊上週六（ 11日）問過喜歡自拍的蔣家旻，佢大方承認：「早幾日聽過。其實係經理人同我講，佢 send咗去電話 group！其實都係一向有嘅規矩，只係冇太嚴厲執行，可能𠵱家嚴謹咗。不過對於我呢啲平時好少攞電話出來嘅人都係好少影響。」至於蕭正楠就話：「唔清楚公司有呢個制度，要問番經理人了解下先。」
霸道第一大台
咁多年大台都係一台獨大，霸道風氣亦愈來愈誇張，維穩河蟹更加係家常便飯囉！
|
鍾意就快D Share啦！
|
|
|
