對於曾在夜場做陪唱的傳聞，吳若希大方話呢單嘢講咗好耐，但之後就以公司唔畀答為由拒答！
封面
Club女：呢度啲媽咪講過 傳吳若希夜場陪唱出身
〈越難越愛〉令吳若希正式上位，人紅代價就係多是非啦，有唔少網友都經常惡意攻擊吳若希 BB，當中有網友竟然大膽話吳若希成名前，曾經喺尖沙咀聲雅廊做過夜場，唔少花生友係咁問：「典解？」、「真係㗎？」，以為網友亂噏廿四。
不過上週本刊到聲雅廊採訪，期間有在職女公關雖然話唔認識吳若希本人，但就話：「佢做嗰陣，我都未喺度……呢度啲媽咪講過囉。」面對呢啲傳聞，吳若希尷尬回應：「講咗好耐啦!」
23歲吳若希出道 5年，上年憑一首〈越難越愛〉爆紅，加上後台夠硬，輕易成為大台新阿姐之一，除咗拍劇，亦包辦重頭劇集主題曲，越嚟越上位，亦開始引嚟唔少網友惡意攻擊。早前有位巴打竟然喺 facebook同高登開 post，話吳若希入行前喺尖沙咀聲雅廊做夜場，仲話佢當年聲雅廊以花名咖喱返工，同原名叫吳嘉妮的吳若希，未入行前的洋名 Curry啓合。
「佢唔係同我一個時代！」
此 post一出，雖然講到似層層，引來唔少網友留言鬥剝花生，當然相信嘅人少之又少；而聲雅廊其實係唔少明星聚腳地，更係吳若希口中的「契爺」成龍和曾志偉等人嘅夜蒲鐵竇，甚至連聲雅廊 facebook亦貼上成龍等人合照。最近夜場仲大搞「比堅尼之夜」，聲稱有𡃁模同美少女陪玩。
𡃁模陪玩
上週本刊到聲雅廊夜總會視察，期間有兩位年輕女公關陪坐陪唱歌，其中一位少女（化名 B小姐）竟然話聽過吳若希在此任職過。
B小姐對於傳聞更一啲都唔驚訝，她說：「佢唔係同我一個時代㗎，（佢喺呢度返咗幾耐呀？）我點知呀？我同佢唔係好熟嗰喎！（又話唔識佢？）呢度啲媽咪講過囉。佢做嗰陣，我都未喺度，我知佢之前真係返過啫。」她更說吳若希是在聲雅廊被發掘從而入娛樂圈。「其實做得呢行（夜場）啲女仔，都唔會被人捧，因為會被人查到，你以前喺度做過。」
週一（ 13日）吳若希為新劇《實習天使》開工，被問到傳聞，吳若希先是愕然之後才識笑住講：「講咗好耐」講得耐怕啲人當真啫！
狂唱劇集主題曲
〈越難越愛〉令吳若希彈起，加上老闆「爸 B」何哲圖寵愛有加，喺大台仕途有如白金升降機，最近更開始拍劇，新劇《實習天使》劇中做女二，上位指日可待！加上多套劇集主題曲都係由吳若希主唱，淨係晚晚洗腦都勁過汪阿姐
叔叔睇實
吳若希麻甩佬緣暢旺，老闆何哲圖錫到燶，恩師戴榮添又當佢女咁錫，加上有地產猛人十哥撐腰，更有傳成龍幫佢拉線入行，又同「股壇神童」王弼燮傳緋聞，雖然件件都中坑，不過幫到手咪得囉，係咪先？
成龍照顧
有指經伯樂戴榮添介紹，成為成龍契女，更在成龍 60大壽上，成為座上客，因此有傳成龍對吳若希特別照顧。
地產猛人睇實
林棣權人稱十哥，人脈超廣，經常同郭富城、張智霖等食飯，亦係殼王陳國強老死，亦同樂易玲諗熟，身家億億聲兼係馬主，早前吳若希曾在 ig公開同十哥 WhatsApp內容，就知二人幾 friend！
|
鍾意就快D Share啦！
|
|
|
