掃呢頁CODE去手機

2015年7月15日 星期三

愈老愈搏 靚佬湯拍《 MI5》水中閉氣 6分半玩命 [FACE - 425 - 外地娛樂] 靚佬湯,湯告魯斯,MF,



3年前靚佬湯亡命攀爬杜拜哈利法塔,今年拍《 MI5》玩爬飛機,直頭搏老命。

西區

愈老愈搏 靚佬湯拍《 MI5》水中閉氣 6分半玩命

近年主攻科幻及動作片的湯告魯斯,前年《攻.元 2077》救完地球,上年《異空戰士》打異形,今年再食老本,推出《職業特工隊 5:叛逆帝國》( Mission Impossible 5: Rogue Nation)抗恐襲。

現年 53歲的靚佬湯,年紀愈大愈玩命,上集《 MI4》親身攀爬世界第一高樓杜拜哈利法塔,今集玩得更激,徒手捉實正在起飛的飛機翼,繼續打不死。拍攝一場水中執行任務場面時,更傳出靚佬湯 1 take過在水中閉氣 6分半鐘。正常人水中閉氣最長大約在 1至 2分半鐘不等,難怪有外國媒體形容靚佬湯「唔係人」

《 MI5》故事承接上集,講總統將職業特工隊面臨解散,而靚佬湯飾演的 Ethan Hunt發現暗中策劃恐襲的神秘組織,於是深入虎穴剷除神秘組織,完成解救前最後任務。

每集都有女主角做花瓶,今集女主角是演過《戰神:海格力斯》的 Rebecca Ferguson,樣唔算好靚,但勁好揪。

Q1.究竟靚佬湯拍《 MI5》有幾搏?

平常人平均只可閉氣 1至 2分半鐘,但靚佬湯拍呢場落水戲,可以閉氣足足 6分半鐘,簡直係超人。

今集湯告魯斯飾演的 Ethan Hunt,將繼續深入虎穴,剷除策劃恐襲的主謀。 Ethan繼續玩命,其中一場講靚佬湯徒手跳入裝有 7萬加侖水的渦輪執行任務,而拍此場戲時靚佬湯堅持親身落水,還在水中閉氣足足 6分半鐘,起初工作人員都擔心他會窒息暈倒,但最後靚佬湯竟生生猛猛上水,還一 take過搞掂,令工作人員鬆一口氣。之後靚佬湯還認叻話:「我一直都好想拍一鏡到尾的水底閉氣場面,所以拍攝前我一直接受專人訓練。」

Q2.為保住靚佬樣,有傳阿湯在電影開拍前走去執靚?

執咗靚樣後的靚佬湯,雖然少咗皺紋,但表情就變得生硬。

都有名大家叫靚佬湯,所以靚樣對湯告魯斯來說是非常重要。現年已年屆 53歲的靚佬湯,有傳為令自己出鏡時更後生,所以在拍攝前,專程走去美容院做自體脂肪豐面手術,將脂肪注射在臉及嘴部,然後眼部去角質,再加拉皮及磨皮,做完之後整個人回晒春。據知全套服務盛惠 5萬美元(約 39萬港元),對靚佬湯來講,散紙罷了。

Q3.靚佬湯落實接拍《壯志凌雲》續集,距離上集接近 30年,今集講乜?

29年前只得 23歲的湯告魯斯,憑《壯志凌雲》一炮而紅。當時還是小鮮肉的他,又型又靚迷死全球女影迷。

湯告魯斯於 86年所拍的戰鬥機動作片《壯志凌雲》( Top Gun),不單賣座,更令他上位成巨星男神,雖然多年來一直傳會開拍續集,但最近荷里活名監製 David Ellison終於宣布開拍《壯志凌雲》續集,還力邀靚佬湯回歸做主角;而今次《壯》片將講述當今海軍戰鬥機師是如何作戰,還會講及無人戰機。

鍾意就快D Share啦!