掃呢頁CODE去手機

2015年7月18日 星期六

俄美女哈爾濱街市賣麵包 大媽讚好味





其他影片:>>






好多人都話外國嘅月亮特別圓,咁如果俄羅斯姑娘賣嘅麵包,又會唔會特別好食呢?

喺哈爾濱一個街市,除咗有嚟買餸嘅大媽大叔,仲有一個身高1米76嘅俄羅斯靚女,喺度賣麵包。佢叫卡佳,話想將俄羅斯美食推廣到中國,但知道兩地人口味好唔同,所以就嚟街市擺檔,藉此摸索當地人口味,之後再加以改良。呢度所有麵包都係喺哈爾濱工作嘅6名俄羅斯師傅整嘅,大約5蚊人仔一個,大媽都讚好味。

嚟到街市擺檔4日,卡佳已經同當地人打成一片。呢日由凌晨4點開始擺檔,擺足3個鐘,一共賣出近400個包,成績相當唔錯。睇嚟靚女真係有啲著數呀!
鍾意就快D Share啦!