掃呢頁CODE去手機

2015年7月18日 星期六

古天樂,你個簽名究竟有幾多個圈? 古天樂,





其他影片:>>






你有冇試過,去銀行辦手續,簽你個大名,counter嘅靚女姐姐同你講,先生,麻煩你簽多次,個名筆劃有啲唔同。於是你又簽一次,靚女姐姐對一對,再同你講,唔好意思,個名「條尾」唔係咁勾上去……於是你又簽一次。sosad。簽來簽去,都係唔多似。鬼叫你個簽名好似鬼畫符。如果你自問冇呢個簽名天份,千祈唔好學古天樂。

學古天樂乜嘢?學佢簽名筆法。真真正正筆走龍蛇,夠氣勢,且幾分狂草味道。一般明星簽名,都係橫向,加個心心或者haha;古天樂呢個,縱向,而且一個圈一個圈咁……係喎,如果你唔係古天樂fans,應該冇乜機會見到佢簽名,拿,吳京噚日騷畀你睇,更驚歎:「古先生,您的簽名簡直了……」請睇圖。

係咪覺得…好面善?又忽然,好似聞到好香咁?係,你有幻覺,你將古天樂個簽名,當咗洋蔥圈,或者馬鈴薯片串。深夜總是餓嘅網民,有啲就晒自己收集番嚟嘅古天樂簽名,有啲就搏命搵食物相,同古天樂簽名「相認」。OK無聊,但開心呀嘛。

吳京一晒完古天樂個簽名之後,跟手個個都爭住晒冷…
你數唔數到…究竟有幾多個圈?
似乎古天樂個「圈」有時都會短啲… 呢個係邊個簽名? 謎底。
鍾意就快D Share啦!