掃呢頁CODE去手機

2015年7月18日 星期六

認戀鄭嘉穎好開心 陳凱琳冧爆︰佢真係個好好嘅男仔 凱琳,鄭嘉穎,嘉穎,陳凱琳,



鄭嘉穎同陳凱琳呢對「父女戀」,早前終於公開關係喇!

之前鄭嘉穎公開表態,陳凱琳冧爆配合,直認大家關係好好。近日佢接受報章訪問,再激讚鄭嘉穎,「我諗所有嘢都係講timing,拍劇認識嘉穎,到依家多咗時間同佢再傾多啲偈,了解到佢嘅為人,我都覺得呢個男仔好好。我哋目前都係想保持我哋自己嘅私隱,始終我哋係artist,都想大家關注我哋拍嘅劇多過感情關係,好多謝大家關心,我哋依家好開心,感情事就唔講太多喇!」

熱戀期係唔同啲,陳凱琳讚完再讚,又話對方好好,教佢入戲,「拍劇時都試過有挫敗感,之前拍新劇,其中有一幕戲係同嘉穎做對手戲,嗰場戲我要喊,係用單機近鏡拍攝。我埋位之前已經培養好晒感情,但係正式開始拍時,我緊張到吞番晒啲眼淚,喊唔出!原本瞓喺度嘅嘉穎就坐起身,同我行埋一邊教我點樣投入番角色,叫我慢慢嚟,當時我好平靜亦都好感動,好自然就谷番啲眼淚出嚟,我真係好多謝佢。」以教戲追到個妹妹,呢個叔叔真有計!

鍾意就快D Share啦!