韓國演藝界競爭大，好多時都聽到有藝人受唔住壓力乜乜 乜。但係咁，都有正能量嘅。好似入行3年嘅Rapper Rex.D咁，後生細仔大好前途，忽然喺上個月驗到患白血病，嘩！真係晴天霹靂囉。呢日佢嚟香港同粉絲見面，趁機同《忽周》做咗個訪問，提到自己嘅病情， 佢話依家穩定咗，「最初聽到呢個消息，冇辦法相信，後來接受現實喇，就希望可以生存落去。雖然有時覺得好攰，但呢件事發生後，無論係粉絲定唔認識嘅藝人， 都俾咗好多鼓勵同幫助，好感動。」佢仲話自己對未來創作嘅音樂好好奇，唔知會唔會俾個病影響，寫歌會偏向灰嗰一面。 講起音樂，Rex. D原來係「宇宙G.E.M」粉絲，佢話喺韓國有留意人哋喺強國嘅比賽節目，仲讚佢好識揀適合自己嘅歌，發揮得好好，有機會嘅話：「好想同G.E.M合作！」睇嚟呢個機會，要等人哋返咗地球，先有可能實現喇！
|
鍾意就快D Share啦！
|
|
|