掃呢頁CODE去手機

2015年8月7日 星期五

達明陪仔放暑假 [忽然1周 - 1045] MW,張達明



張達明大仔張子由今年 14歲喇,仲同老竇一樣高㖭。兩父子齊齊用扶手電梯時,都好小心翼翼,睇嚟俾「甩牙電梯」嚇怕咗囉!

媽咪姐

達明陪仔放暑假

達明雖然瘦咗,但早前撞見佢同老婆、囝囝齊齊去圓方 shopping時,健步如飛,同阿仔有講有笑㖭。達明呢日一身潮 look打扮,着咗長袖衫遮掩纖幼嘅手,不過條短褲就出賣咗佢嗰對好似火柴人嘅小腿。不過唔緊要,慢慢調理就 OK

同場仲發現好耐冇見嘅達哥(吳孟達),之前傳佢因為要撲水養家,捱到患急性心臟衰竭。死過翻生嘅達哥,呢日同兩個朋友喺圓方排隊等食和牛,見佢不停吹水仲手指指,精神唔錯喎!

張達明平時對鏡頭好鬼敏感,今次唔知係咪同屋企人出街,所以警戒線都降低咗。

同場加映

達哥雖然 63歲,但佢啲中氣仲好勁!排隊等位成 20分鐘,佢就吹水吹足咁耐。

鍾意就快D Share啦!