每次嚟香港，李洪基總會同粉絲約定開騷時間，俾壓力公司，今次又預約明年 1月。講到尾，佢都係想趁開騷嚟掃減價貨。
媽咪姐
李洪基 free style開騷飲勝
李洪基之前自認好鍾意喺香港 shopping，每隔半年必定嚟一次，事關大減價好抵買，佢真係冇呃粉絲㗎！上周六（ 1日）佢嗰隊 FTIsland又嚟開騷喇，李洪基仲話特別加咗兩首歌益香港 fans，又轉埋新髮型，等大家有新鮮感咁話。
但係咁，呢晚李洪基身為樂隊主音，真係夠晒 free style！明明歌與歌之間冇 break，佢唱完一首，無啦啦叫埋翻譯上台，仲口水多過茶，踢爆隊友崔鍾訓勤學英文，好似因為識咗位外國女友，搞到鍾訓口窒窒，表情好尷尬。轉頭李洪基又坐喺台邊對住粉絲唱歌，但睇清楚啲，佢拎住罐青島囉。呢罐都未飲晒，佢又走去會場中間嘅小舞台，今次擺明隊酒，一早放咗 5隻酒杯同香檳上台。李生仲話：「我飲慣燒酒，唔係好識開呢支！」開酒重責就交俾隊友，佢就等酒飲。開騷可以咁輕鬆，睇嚟得佢係咁囉。
出手冧 fans
|
鍾意就快D Share啦！
|
|
|
