全城熱爆的娛樂八封新聞 & 時事趣聞 & 生活 + 趣聞
因為拍港台劇集《圍城》而 friend咗嘅大佬孝邵仲衡同譚小環，早前被影到一杯 cocktail兩份飲。第二日之嘛，媽咪姐竟然親眼見到案件重演！
件事係咁的，媽咪姐去銅鑼灣同靚太 friend食日本燒肉，咁啱撞到大佬孝同譚小環喺度食嘢喎，明星梗係要望多兩眼啦。首先見大佬孝嗌咗杯梅酒，小環就嗌咗杯啤酒，一人一杯，飲飲吓，大佬孝就攞咗小環杯啤酒飲。嗱嗱嗱！思想正確啲呀你哋，你同朋友都會一杯嘢兩份飲啦，學大佬孝話齋：「好閒啫。」嗯，唔知媽咪姐幾時都有呢啲機會呢∼
銅記開餐今次小環同大佬孝去咗銅鑼灣上樓嘅「和幸日本燒肉」開餐，睇嚟佢哋真係好鍾意蒲銅記喎。
小環飲完後，大佬孝就攞咗佢杯啤酒飲，夏天啤一啤，真係一流呀！
譚小環同保險高層老公蔡強榮啱啱先去完荔園玩，好恩愛㗎。
