全城熱爆的娛樂八封新聞 & 時事趣聞 & 生活 + 趣聞
黎燕珊嘅成功，絕對可以成為一眾單親媽媽嘅典範。
單親母親唔易做，好似黎燕珊就係例子，好彩佢終於捱大一對仔女，大女已經做緊空姐，得孻仔仲讀緊書，擔子輕咗唔少，依家可以揀啲自己鍾意嘅工作做。媽咪姐知道佢喺有線主持嘅《往事並不如煙》將會添食，有線嗰邊好有誠意，出動銀彈政策，加阿珊酬勞，所以佢推咗大陸嘅工作，留喺香港再做。都好吖，起碼多啲時間見仔女嘛。
《往事並不如煙》暫定添食五集，黎燕珊每集收兩萬，都好和味。而拍檔依然係楊思琦。
黎燕珊如今仔大女大，八月仲 plan咗一齊去日本玩，好幸福呀！
