熱爆娛樂: 老公喜事打孖嚟　 Suki慶祝停不了 [忽然1周

2015年8月7日星期五

一家五口帶埋工人、保鑣出動。不過最吸睛都係黃浩個孻女，真係餅印咁呀！

Suki徐淑敏同 Kenny黃浩第三個女 Isabella眨吓眼就一歲，萬千寵愛在一身。繼上星期六（ 1日）去中環鏞記食完晚飯後，星期日又一家成十人去 ICC食午飯慶生。

媽咪姐收到法庭料， Kenny心情咁靚，除咗因為餅印孻女生日外，仲因為近日搞掂咗一單官司，與對方庭外和解達成協議，獲得對方逾億港元賠償。嗰日求證 Kenny，佢就笑容滿面，一手抱住愛女一手拖住 Suki，但封口不提庭外和解一事。俾着媽咪姐得到一億，點止笑到收唔到口，直頭 happy到傻咗啦。

前一晚喺鏞記食完飯，成家人又去咗坐摩天輪， 3個女都勁開心！

Suki話孻女見到乳豬眼都唔眨，「佢肥到條頸都冇咗，好為食。」

Suki送咗大女同二女上白色七人車，跟住先同黃浩坐勞斯萊斯走，媽媽真係零舍忙。

Suki好姊妹沈卓盈都有食生日飯，仲着得幾 sexy！

難得家族總動員為孻女慶祝生日，黃浩出動 4架名車接載家人，好大陣仗！

玩味蝙蝠車

黃浩一向勁鍾意蝙蝠俠，特登將部黑色豐田七人車變身「蝙蝠車」！貼紙同車牌都襯晒㗎。

特色積架

英國名車積架都係黃浩嘅心頭愛，佢呢部彩綠色款，非常特別，價值成百萬㗎。

至尊勞斯萊斯

呢部唔使媽咪姐講，大家都認得佢係富豪至愛——勞斯萊斯啦。依家車價 4百幾萬啫，唔貴！媽咪姐中咗 8千萬六合彩可以考慮買番架。

鍾意就快D Share啦！