今次寫真 DVD，石川戀將尺度放大，搏到盡㗎！
出外埠
石川戀今勻唔使「墊底」咯﹗
日本有本狂賣 100萬本嘅暢銷書《墊底辣妹》，故事講一個補習班主任指導一個只有小四程度嘅高二辣妹，令佢喺短短一年間成績突飛猛進，仲考上慶應大學。古仔的確夠離奇，但本書好賣仲有一個原因，就係關個封面事囉。典解咁打耳呢？
話說呢本書一出，大眾嘅目光首先係俾封面一個成頭金髮、神情叛逆嘅女學生吸引住。其實呢，呢個女生係一個奀茄模特兒、 22歲嘅石川戀。石川出道都有三、四年，可惜撈嚟撈去都撈唔起，不過估唔到今次只係為一本小說做封面啫，竟然令佢人氣飆升。依家威水咯，電視綜藝節目、電影、廣告一齊嚟。同時佢又好醒目，識得食住條水，推出第一張寫真 DVD。石川戀嘅際遇真係好似書嘅女主角咁，短短兩、三年不但唔使再墊底，反而靠《墊底辣妹》名利雙收呀﹗
|
鍾意就快D Share啦！
|
|
|
