全城熱爆的娛樂八封新聞 & 時事趣聞 & 生活 + 趣聞
發哥去開嘅九龍城街市，方中信原來都有去幫襯。但係冇乜街坊認到佢。
佢係林文龍？定係方中信？媽咪姐視力唔多好，遠睇唔係太認得。行埋啲先睇清楚，原來係型佬方中信，之但係發咗福嘅佢，側面睇真係好似林生呀！
查實呢日媽咪姐去九龍城街市，諗住買料打邊爐。咁啱見到戴住帽嘅方中信睇緊海鮮。咪以為佢係星，啲街坊會好似捕獲野生發哥咁，熱情同佢交流煮餸心得，實情係連望都冇望過佢一眼。估唔到香港李察基爾，年過 52歲發咗福，連師奶都對佢冇興趣，要 keep喇喂！
方中信戴住帽，買咗大袋海鮮返屋企煮飯俾囡囡食。咦，側面又幾似林文龍喎！
自從囡囡出世後，方中信變得更幸福，睇佢身形脹晒就知前排佢哋一家仲去歐遊㖭！
睇落又幾似我喎！（設計對白）
