咪以為《喜愛夜蒲》嘅劇情，只係劇情咁大把，戒唔甩夜蒲嘅，大有人在。上星期四，胡杏兒男友有份投資嘅夜場PLAY搞六周年慶祝派對，謝天華約埋單身嘅傅明憲夜蒲，一齊到場，但各有收穫。
凌晨三點幾，隔住個mon都feel到醉意嘅謝天華，一拖二離開；起初就chok到行，但你睇佢，自己都要搵欄杆扶。
有36D巨咪女，謝天華梗係定過抬油，chok到行一行，眼神更不時留意36D，好似…欲言又止咁。
謝天華同36D率先坐上的士後座，等勁耐都唔開車，原來係等埋同行嘅另一名長髮女上車掩護，不過可惜丫，捉晒手仔，證據確鑿，今舖唔「一死以謝天華」，都唔知點同老婆解釋喇！
